mera zehn mujhko raha kare

mirā zehn dil kā rafīq hai

mirā dil rafīq hai jism kā

mirā jism hai mirī aañkh meñ

mirī aañkh us ke badan meñ hai

vo badan ki bosa-e-ātishīñ meñ jalā bhī phir bhī harā rahā

vo badan ki lams kī bārishoñ meñ dhulā bhī phir bhī nayā rahā

vo badan kī vasl ke fāsle pe rahā bhī phir bhī mirā rahā

mujhe e'tirāf! mire vajūd pe ek charāġh kā ek ḳhvāb kā ek umiid kā qarz hai

mujhe e'tirāf! ki mere nāḳhun-e-be-hunar pe hazār tarah ke qarz haiñ

mirā zehn mujh ko rihā kare to maiñ saare qarz utaar duuñ

mirī aañkh mujh se vafā kare to maiñ jism o jaan pe vaar duuñ

mera zehn dil ka rafiq hai

mera dil rafiq hai jism ka

mera jism hai meri aankh mein

meri aankh us ke badan mein hai

wo badan ki bosa-e-atishin mein jala bhi phir bhi hara raha

wo badan ki lams ki barishon mein dhula bhi phir bhi naya raha

wo badan ki wasl ke fasle pe raha bhi phir bhi mera raha

mujhe e'tiraf! mere wajud pe ek charagh ka ek KHwab ka ek umid ka qarz hai

mujhe e'tiraf! ki mere naKHun-e-be-hunar pe hazar tarah ke qarz hain

mera zehn mujh ko riha kare to main sare qarz utar dun

meri aankh mujh se wafa kare to main jism o jaan pe war dun