mere zaKHmi honT

nashsha jis vaqt bhī TūTegā, ka.ī andeshe

sub.h-e-lab-basta ke siine meñ utar ā.eñge

mahfil-e-sho.ala-e-shab-tāb ke saare lamhe

raakh ho jā.eñge palkoñ pe bikhar jā.eñge

ret dar aa.egī sunsān shabistānoñ meñ

aur bagūle pas-e-dīvār nazar ā.eñge

is se pahle ki ye ho jaa.e, mire zaḳhmī hoñT

maiñ ye chāhūñgā ki be-lahn-o-sadā ho jaa.eñ

maiñ ye chāhūñgā ki bujh jaa.e mirī sham-e-ḳhayāl

is se pahle ki sab ahbāb judā ho jaa.eñ

is liye mujh se na pūchho ki safa-e-yārāñ meñ

kyuuñ ye dil be-hunar-o-husn-o-tamīz itnā hai

aur ai dīda-varo! ye bhī na pūchho ki mujhe

sāġhar-e-zahr bhī kyuuñ jaañ se aziiz itnā hai

nashsha jis waqt bhi TuTega, kai andeshe

subh-e-lab-basta ke sine mein utar aaenge

mahfil-e-shoala-e-shab-tab ke sare lamhe

rakh ho jaenge palkon pe bikhar jaenge

ret dar aaegi sunsan shabistanon mein

aur bagule pas-e-diwar nazar aaenge

is se pahle ki ye ho jae, mere zaKHmi honT

main ye chahunga ki be-lahn-o-sada ho jaen

main ye chahunga ki bujh jae meri sham-e-KHayal

is se pahle ki sab ahbab juda ho jaen

is liye mujh se na puchho ki safa-e-yaran mein

kyun ye dil be-hunar-o-husn-o-tamiz itna hai

aur ai dida-waro! ye bhi na puchho ki mujhe

saghar-e-zahr bhi kyun jaan se aziz itna hai