aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab jidhar bhi jate hain

Mohammad Alvi

ab jidhar bhi jate hain

Mohammad Alvi

MORE BYMohammad Alvi

    pahle aisā hotā thā

    bhāñt bhāñt ke bandar

    shahr fasīloñ par

    mahfileñ jamāte the

    ghar meñ kuud aate the

    haath meñ se bachchoñ ke

    roTī noch jaate the

    ab to vo madārī bhī

    ḳhālī haath aatā hai

    bhiik maañg kar ghar ghar

    ghar ko lauT jaatā hai

    ab gharoñ meñ chiḌiyoñ

    shor kyuuñ nahīñ hotā

    raat ko koī ullū

    peḌ par nahīñ rotā

    peḌ par nahīñ rotā

    laḌte laḌte chiḌiyāñ kyuuñ

    farsh par nahīñ girtīñ

    billiyāñ chhatoñ par kyuuñ

    ghūmtī nahīñ phirtīñ

    ab na koī bulbul hai

    aur na koī mainā hai

    ab na koī tītar hai

    aur na koī totā hai

    kis se pūchhne jaa.eñ

    mor kaisā hotā hai

    Toliyāñ kabūtar

    kho ga.iiñ fazāoñ meñ

    titliyoñ ke rañgīñ par

    bah ga.e havāoñ meñ

    muñh-añdhere ab murġhā

    baañg kyuuñ nahīñ detā

    ghar meñ koī bakrī

    naam kyuuñ nahīñ letā

    kyā hue daraḳhtoñ par

    ghoñsle parindoñ ke

    koī bhī nahīñ kahtā

    qisse ab darindoñ ke

    nanhe nanhe chūzoñ par

    chiil jhapaTnā ab

    dekhne kahāñ jaa.eñ

    rāste meñ sāñDoñ

    pahroñ laḌte rahnā ab

    dekhne kahāñ jaa.eñ

    chhipkilī jiitī dum

    ab thiraktī kyā paa.eñ

    rañg badalte girgiT ko

    mārte kahāñ jaa.eñ

    gaa.e bhaiñs revaḌ

    ab idhar nahīñ aatā

    uuñT TeḌhā-meḌhā

    ab nazar nahīñ aatā

    ab na ghoḌe hāthī haiñ

    aur na vo barātī haiñ

    ab galī meñ kuttoñ

    bhauñknā nahīñ hotā

    raat chhat pe sote haiñ

    bhuut dekh kar koī

    chauñknā nahīñ hotā

    ab jidhar bhī jaate haiñ

    aadmī ko paate haiñ

    pahle aisa hota tha

    bhant bhant ke bandar

    shahr ki fasilon par

    mahfilen jamate the

    ghar mein kud aate the

    hath mein se bachchon ke

    roTi noch jate the

    ab to wo madari bhi

    KHali hath aata hai

    bhik mang kar ghar ghar

    ghar ko lauT jata hai

    ab gharon mein chiDiyon ka

    shor kyun nahin hota

    raat ko koi ullu

    peD par nahin rota

    peD par nahin rota

    laDte laDte chiDiyan kyun

    farsh par nahin girtin

    billiyan chhaton par kyun

    ghumti nahin phirtin

    ab na koi bulbul hai

    aur na koi maina hai

    ab na koi titar hai

    aur na koi tota hai

    kis se puchhne jaen

    mor kaisa hota hai

    Toliyan kabutar ki

    kho gain fazaon mein

    titliyon ke rangin par

    bah gae hawaon mein

    munh-andhere ab murgha

    bang kyun nahin deta

    ghar mein koi bakri ka

    nam kyun nahin leta

    kya hue daraKHton par

    ghonsle parindon ke

    koi bhi nahin kahta

    qisse ab darindon ke

    nanhe nanhe chuzon par

    chil ka jhapaTna ab

    dekhne kahan jaen

    raste mein sanDon ka

    pahron laDte rahna ab

    dekhne kahan jaen

    chhipkili ki jiti dum

    ab thirakti kya paen

    rang badalte girgiT ko

    marte kahan jaen

    gae bhains ka rewaD

    ab idhar nahin aata

    unT TeDha-meDha sa

    ab nazar nahin aata

    ab na ghoDe hathi hain

    aur na wo baraati hain

    ab gali mein kutton ka

    bhaunkna nahin hota

    raat chhat pe sote hain

    bhut dekh kar koi

    chaunkna nahin hota

    ab jidhar bhi jate hain

    aadmi ko pate hain

    RECITATIONS

    Nomaan Shauque

    Nomaan Shauque,

    Nomaan Shauque

    Ab jidhar bhi jate hein - Mohammad Alvi Nomaan Shauque

    Source:

    Shab Khoon(Shumara Number-052) (Pg. ebook-34 page-32)

      • Edition: 1970
      • Publisher: Asrar Karimi Press, Allahabad
      • Year of Publication: 1970

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now