murda-KHana

Saqi Faruqi

murda-KHana

Saqi Faruqi

MORE BYSaqi Faruqi

    mirī ragoñ meñ ḳhunuk sūiyāñ pirotā huā

    barhana lāshoñ ke ambār par se hotā huā

    havā haath bahut sard, maut jaisā sard

    vo rahā hai, vo darvāze sar paTakne lage

    vo balb TuuT gayā, saa.e saath chhoḌ ga.e

    vo nāchte hue bheje kisī raqīq se tar

    vo reñgte hue bāzū, vo chīḳhte hue sar

    vo hoñT nīm-tarāshīda, daañt nikle hue

    vo nisf dhaḌ chale aate haiñ raqs karte hue

    vo jism sahme hue band martabānoñ meñ

    jo baat to unheñ tez-o-tursh zahr milā

    jo chup hue to unheñ sūliyoñ pe Taañg diyā

    chhupī haiñ saikḌoñ bad-rūheñ in fazāoñ meñ

    vo ghūrtī huī āñkheñ kahīñ ḳhalāoñ meñ

    zamīñ ke mālik-e-derīna talāsh meñ haiñ

    jarāhatoñ ke nishāñ har ḳhamīda laash meñ haiñ

    aur ik sadā chalī aatī hai, har jarāhat se

    ye saare zaḳhm muqaddar hue haiñ maut ke baad

    sukūn-e-lafz-o-bayān o sukūt-e-saut ke baad

    baḌī bisāñd hai ThiThurī huī havāoñ meñ

    maiñ ghir gayā huuñ lahū chāTtī balāoñ meñ

    vo ik burīda zabāñ aa.ī laḌkhaḌātī huī

    hañsī... Darāonī sargoshiyoñ meñ kahne lagī

    tum apnī laash liye bhaag jaao jaldī se

    na san sakoge ki haiñ maut ke fasāne bahut

    matā-e-jism salāmat ki murda-ḳhāne bahut

    meri ragon mein KHunuk suiyan pirota hua

    barhana lashon ke ambar par se hota hua

    hawa ka hath bahut sard, maut jaisa sard

    wo ja raha hai, wo darwaze sar paTakne lage

    wo balb TuT gaya, sae sath chhoD gae

    wo nachte hue bheje kisi raqiq se tar

    wo rengte hue bazu, wo chiKHte hue sar

    wo honT nim-tarashida, dant nikle hue

    wo nisf dhaD chale aate hain raqs karte hue

    wo jism sahme hue band martabanon mein

    jo baat ki to unhen tez-o-tursh zahr mila

    jo chup hue to unhen suliyon pe Tang diya

    chhupi hain saikDon bad-ruhen in fazaon mein

    wo ghurti hui aankhen kahin KHalaon mein

    zamin ke malik-e-derina ki talash mein hain

    jarahaton ke nishan har KHamida lash mein hain

    aur ek sada chali aati hai, har jarahat se

    ye sare zaKHm muqaddar hue hain maut ke baad

    sukun-e-lafz-o-bayan o sukut-e-saut ke baad

    baDi bisand hai ThiThuri hui hawaon mein

    main ghir gaya hun lahu chaTti balaon mein

    wo ek burida zaban aai laDkhaDati hui

    hansi Daraoni sargoshiyon mein kahne lagi

    tum apni lash liye bhag jao jaldi se

    na san sakoge ki hain maut ke fasane bahut

    mata-e-jism salamat ki murda-KHane bahut

    RECITATIONS

    Nomaan Shauque

    Nomaan Shauque

    Nomaan Shauque

    murda-KHana Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY