nae KHake

Kaifi Azmi

nae KHake

Kaifi Azmi

MORE BY Kaifi Azmi

    INTERESTING FACT

    gaandhi aur jinnah kii mulaaqaat ke moqe par

    nuqūsh-e-hasrat miTā ke uThnā, ḳhushī parcham uḌā ke uThnā

    milā ke sar baiThnā mubārak tarāna-e-fat.h ke uThnā

    ye guftugū guftugū nahīñ hai bigaḌne banñe marhala hai

    dhaḌak rahā hai fazā siina ki zindagī muāmla hai

    ḳhizāñ rahe bahār aa.e tumhāre hāthoñ meñ faisla hai

    na chain be-tāb bijliyoñ ko na mutma.in kārvān-e-shabnam

    kabhī shagūfoñ ke garm tevar kabhī guloñ mizāj barham

    shagūfa o gul ke is tasādum meñ gulsitāñ ban gayā jahannam

    sajā leñ sab apnī apnī jannat ab aise ḳhāke banā ke uThnā

    ḳhazāna-e-rañg-o-nūr tārīk rahguzāroñ meñ luT rahā hai

    urūs-e-gul ġhurūr-e-ismat siyāhkāroñ meñ luT rahā hai

    tamām sarmāya-e-latāfat zalīl ḳhāroñ meñ luT rahā hai

    ghuTī ghuTī haiñ numū sāñseñ chhuTī chhuTī nabz-e-gulistāñ hai

    haiñ gursana phūl, tishna ġhunche, ruḳhoñ pe zardī laboñ pe jaañ hai

    asiir haiñ ham-safīr jab se ḳhizāñ chaman meñ ravāñ-davāñ hai

    is intishār-e-chaman saugand bāb-e-zindāñ hilā ke uThnā

    hayāt-e-gītī aaj badlī huī nigāheñ haiñ inqilābī

    ufuq se kirneñ utar rahī haiñ bikhertī nūr-e-kāmyābī

    na.ī sahar chāhtī hai ḳhvāboñ bazm meñ izn-e-bāryābī

    ye tīrgī hujūm kab tak ye yaas azhdahām kab tak

    nifāq o ġhaflat aaḌ le kar jiyegā murda nizām kab tak

    raheñge hindī asiir kab tak rahegā bhārat ġhulām kab tak

    gale tauq aa rahe qadam par kuchh is tarah tilmilā ke uThnā

    nuqush-e-hasrat miTa ke uThna, KHushi ka parcham uDa ke uThna

    mila ke sar baiThna mubarak tarana-e-fath ga ke uThna

    ye guftugu guftugu nahin hai bigaDne banne ka marhala hai

    dhaDak raha hai faza ka sina ki zindagi ka muamla hai

    KHizan rahe ya bahaar aae tumhaare hathon mein faisla hai

    na chain be-tab bijliyon ko na mutmain karwan-e-shabnam

    kabhi shagufon ke garm tewar kabhi gulon ka mizaj barham

    shagufa o gul ke is tasadum mein gulsitan ban gaya jahannam

    saja len sab apni apni jannat ab aise KHake bana ke uThna

    KHazana-e-rang-o-nur tarik rahguzaron mein luT raha hai

    urus-e-gul ka ghurur-e-ismat siyahkaron mein luT raha hai

    tamam sarmaya-e-latafat zalil KHaron mein luT raha hai

    ghuTi ghuTi hain numu ki sansen chhuTi chhuTi nabz-e-gulistan hai

    hain gursana phul, tishna ghunche, ruKHon pe zardi labon pe jaan hai

    asir hain ham-safir jab se KHizan chaman mein rawan-dawan hai

    is intishaar-e-chaman ki saugand bab-e-zindan hila ke uThna

    hayat-e-giti ki aaj badli hui nigahen hain inqilabi

    ufuq se kirnen utar rahi hain bikherti nur-e-kaamyabi

    nai sahar chahti hai KHwabon ki bazm mein izn-e-baryabi

    ye tirgi ka hujum kab tak ye yas ka azhdaham kab tak

    nifaq o ghaflat ki aaD le kar jiyega murda nizam kab tak

    rahenge hindi asir kab tak rahega bhaarat ghulam kab tak

    gale ka tauq aa rahe qadam par kuchh is tarah tilmila ke uThna

    0
    COMMENTS
    VIEW COMMENTS

    Critique mode ON

    Tap on any word to submit a critique about that line. Word-meanings will not be available while you’re in this mode.

    OKAY

    SUBMIT CRITIQUE

    NAME

    E-MAIL

    COMMENT

    Thanks, for your feedback

    Critique draft saved

    EDIT DISCARD

    CRITIQUE MODE ON

    TURN OFF

    Discard saved critique?

    CANCEL DISCARD

    CRITIQUE MODE ON - Click on a line of text to critique

    TURN OFF

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites