namrud ki KHudai

ye qudsiyoñ kī zamīñ

jahāñ falsafī ne dekhā thaa, apne ḳhvāb-e-sahar-gahī meñ

havā-e-tāza o kisht-e-shādāb o chashma-e-jāñfaroz kī aarzū kā partav

yahīñ musāfir pahuñch ke ab sochne lagā hai:

''vo ḳhvāb-e-kābūs to nahīñ thaa?

vo ḳhvāb-e-kābūs to nahīñ thaa?

ai falsafa-go,

kahāñ vo rūyā-e-āsmānī?

kahāñ ye namrūd kī ḳhudā.ī!

tū jaal buntā rahā hai jin ke shikasta tāroñ se apne mauhūm falsafe ke

ham us yaqīñ se, ham us amal se, ham us mohabbat se,

aaj māyūs ho chuke haiñ,

koī ye kis se kahe ki āḳhir

gavāh kis adl-e-be-bahā ke the ahd-e-tātār ke ḳharābe?

ajam, vo marz-e-tilism-o-rañg-o-ḳhayāl-o-naġhma

arab, vo iqlīm-e-shīr-o-shahd-o-sharāb-o-ḳhurmā

faqat navāsañj the dar-o-bām ke ziyāñ ke,

jo un pe guzrī thī

us se bad-tar dinoñ ke ham said-e-nā-tavāñ haiñ!

koī ye kis se kahe:

dar-o-bām,

aahan o chob o sañg o sīmāñ ke

husn-e-paivand kā fusūñ the

bikhar gayā vo fusūñ to kyā ġham?

aur aise paivand se umīd-e-vafā kise thii!

shikast-e-mīnā o jām-e-bar-haq,

shikast-e-rañg-e-azār-e-mahbūb bhī gavārā

magar yahāñ to khañDar diloñ ke,

(ye nau-e-insāñ kī

kahkashāñ se buland-o-bartar talab ke ujḌe hue madā.in-)

shikast-e-āhañg-e-harf-o-ma.anī ke nauhagar haiñ,

ye qudsiyon ki zamin

jahan falsafi ne dekha tha, apne KHwab-e-sahar-gahi mein

hawa-e-taza o kisht-e-shadab o chashma-e-jaanfaroz ki aarzu ka partaw

yahin musafir pahunch ke ab sochne laga hai:

wo KHwab-e-kabus to nahin tha?

wo KHwab-e-kabus to nahin tha?

ai falsafa-go,

kahan wo ruya-e-asmani?

kahan ye namrud ki KHudai!

tu jal bunta raha hai jin ke shikasta taron se apne mauhum falsafe ke

hum us yaqin se, hum us amal se, hum us mohabbat se,

aaj mayus ho chuke hain,

koi ye kis se kahe ki aaKHir

gawah kis adl-e-be-baha ke the ahd-e-tatar ke KHarabe?

ajam, wo marz-e-tilism-o-rang-o-KHayal-o-naghma

arab, wo iqlim-e-shir-o-shahd-o-sharab-o-KHurma

faqat nawasanj the dar-o-baam ke ziyan ke,

jo un pe guzri thi

us se bad-tar dinon ke hum said-e-na-tawan hain!

koi ye kis se kahe:

dar-o-baam,

aahan o chob o sang o siman ke

husn-e-paiwand ka fusun the

bikhar gaya wo fusun to kya gham?

aur aise paiwand se umid-e-wafa kise thi!

shikast-e-mina o jam-e-bar-haq,

shikast-e-rang-e-azar-e-mahbub bhi gawara

magar yahan to khanDar dilon ke,

(ye nau-e-insan ki

kahkashan se buland-o-bartar talab ke ujDe hue madain-)

shikast-e-ahang-e-harf-o-mani ke nauhagar hain,