nazm

tumhārī razā ko log

merī ḳhatā kahte haiñ

mere hāthoñ se vo poshāk

chhīn lī ga.ī

jo maiñ pahanñe vaalī thī

aur pahnī huī poshāk

maiñ utaar chukī thī

mere saare aane vaale mausam

mansūḳh kar diye ga.e the

maiñ ne koī ehtijāj nahīñ kiyā

apnā sar-e-taslīm ḳham kar diyā thā

mujhe itnī iizā dī ga.ī

ki armānoñ kā resham kātnā

ab merī bardāsht se bāhar hai

aur phir mausam mansūḳh na hote

phuul resham baTorte

merī uryānī Dhak jaatī

tumhārī tābedārī meñ

maiñ ne apnī muTThī kabhī khol kar nahīñ dekhī

kaun apne ḳhvāb kā

ek TukḌā kaaT kar

merī uryānī Dhāñp degā

laao maiñ apne haath kī lakīreñ miTā duuñ

tumhaari raza ko log

meri KHata kahte hain

mere hathon se wo poshak

chhin li gai

jo main pahanne wali thi

aur pahni hui poshak

main utar chuki thi

mere sare aane wale mausam

mansuKH kar diye gae the

main ne koi ehtijaj nahin kiya

apna sar-e-taslim KHam kar diya tha

mujhe itni iza di gai

ki armanon ka resham katna

ab meri bardasht se bahar hai

aur phir mausam mansuKH na hote

phul resham baTorte

meri uryani Dhak jati

tumhaari tabedari mein

main ne apni muTThi kabhi khol kar nahin dekhi

kaun apne KHwab ka

ek TukDa kaT kar

meri uryani Dhanp dega

lao main apne hath ki lakiren miTa dun