aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

saqi-nama

Allama Iqbal

saqi-nama

Allama Iqbal

MORE BYAllama Iqbal

    Interesting Fact

    (Bal-e-Jibril)

    huā ḳhema-zan kārvān-e-bahār

    iram ban gayā dāman-e-koh-sār

    gul o nargis o sosan o nastaran

    shahīd-e-azal lāla-ḳhūnīñ kafan

    jahāñ chhup gayā parda-e-rañg meñ

    lahū hai gardish rag-e-sang meñ

    fazā niilī niilī havā meñ surūr

    Thaharte nahīñ āshiyāñ meñ tuyūr

    vo jū-e-kohistāñ uchaktī huī

    aTaktī lachaktī saraktī huī

    uchhaltī phisaltī sambhaltī huī

    baḌe pech khā kar nikaltī huī

    ruke jab to sil chiir detī hai ye

    pahāḌoñ ke dil chiir detī hai ye

    zarā dekh ai sāqī-e-lāla-fām

    sunātī hai ye zindagī payām

    pilā de mujhe vo mai-e-parda-soz

    ki aatī nahīñ fasl-e-gul roz roz

    vo mai jis se raushan zamīr-e-hayāt

    vo mai jis se hai masti-e-kā.enāt

    vo mai jis meñ hai soz-o-sāz-e-azal

    vo mai jis se khultā hai rāz-e-azal

    uThā sāqiyā parda is raaz se

    laḌā de mamūle ko shahbāz se

    zamāne ke andāz badle ga.e

    nayā raag hai saaz badle ga.e

    huā is tarah faash rāz-e-farañg

    ki hairat meñ hai shīsha-bāz-e-farañg

    purānī siyāsat-garī ḳhvār hai

    zamīñ miir o sultāñ se be-zār hai

    gayā daur-e-sarmāya-dārī gayā

    tamāshā dikhā kar madārī gayā

    girāñ ḳhvāb chīnī sambhalne lage

    himāla ke chashme ubalne lage

    dil-e-tūr-e-sīnā-o-fārān do-nīm

    tajallī phir muntazir hai kalīm

    musalmāñ hai tauhīd meñ garam-josh

    magar dil abhī tak hai zunnār-posh

    tamaddun tasavvuf sharī.at-e-kalām

    butān-e-ajam ke pujārī tamām

    haqīqat ḳhurāfāt meñ kho ga.ī

    ye ummat rivāyāt meñ kho ga.ī

    lubhātā hai dil ko kalām-e-ḳhatīb

    magar lazzat-e-shauq se be-nasīb

    bayāñ is mantiq se suljhā huā

    luġhat ke bakheḌoñ meñ uljhā huā

    vo suufī ki thā ḳhidmat-e-haq meñ mard

    mohabbat meñ yaktā hamīyat meñ fard

    ajam ke ḳhayālāt meñ kho gayā

    ye sālik maqāmāt meñ kho gayā

    bujhī ishq aag andher hai

    musalmāñ nahīñ raakh Dher hai

    sharāb-e-kuhan phir pilā sāqiyā

    vahī jaam gardish meñ sāqiyā

    mujhe ishq ke par lagā kar uḌā

    mirī ḳhaak jugnū banā kar uḌā

    ḳhirad ko ġhulāmī se āzād kar

    javānoñ ko pīroñ ustād kar

    harī shāḳh-e-millat tire nam se hai

    nafas is badan meñ tire dam se hai

    taḌapne phaḌakne taufīq de

    dil-e-murtazā soz-e-siddīq de

    jigar se vahī tiir phir paar kar

    tamannā ko sīnoñ meñ bedār kar

    tire āsmānoñ ke tāroñ ḳhair

    zamīnoñ ke shab zinda-dāroñ ḳhair

    javānoñ ko soz-e-jigar baḳhsh de

    mirā ishq merī nazar baḳhsh de

    mirī naav girdāb se paar kar

    ye sābit hai to is ko sayyār kar

    btā mujh ko asrār-e-marg-o-hayāt

    ki terī nigāhoñ meñ hai kā.enāt

    mire dīda-e-tar be-ḳhvābiyāñ

    mire dil poshīda betābiyāñ

    mire nāla-e-nīm-shab niyāz

    mirī ḳhalvat o anjuman gudāz

    umañgeñ mirī ārzūeñ mirī

    ummīdeñ mirī justujueñ mirī

    mirī fitrat ā.īna-e-rozgār

    ġhazālān-e-afkār murġh-zār

    mirā dil mirī razm-gāh-e-hayāt

    gumānoñ ke lashkar yaqīñ sabāt

    yahī kuchh hai saaqī matā-e-faqīr

    isī se faqīrī meñ huuñ maiñ amiir

    mire qāfile meñ luTā de ise

    luTā de Thikāne lagā de ise

    damā-dam ravāñ hai yam-e-zindagī

    har ik shai se paidā ram-e-zindagī

    isī se huī hai badan numūd

    ki sho'le meñ poshīda hai mauj-e-dūd

    girāñ garche hai sohbat-e-āb-o-gil

    ḳhush aa.ī ise mehnat-e-āb-o-gil

    ye sābit bhī hai aur sayyār bhī

    anāsir ke phandoñ se be-zār bhī

    ye vahdat hai kasrat meñ har dam asiir

    magar har kahīñ be-chugoñ be-nazīr

    ye aalam ye but-ḳhāna-e-shash-jihāt

    isī ne tarāshā hai ye somnāt

    pasand is ko takrār ḳhū nahīñ

    ki maiñ nahīñ aur maiñ nahīñ

    man o se hai anjuman-āfrīñ

    magar ain-e-mahfil meñ ḳhalvat-nashīñ

    chamak us bijlī meñ taare meñ hai

    ye chāñdī meñ sone meñ paare meñ hai

    usī ke bayābāñ usī ke babūl

    usī ke haiñ kāñTe usī ke haiñ phuul

    kahīñ us tāqat se kohsār chuur

    kahīñ us ke phande meñ jibra.īl o huur

    kahīñ jaza hai shāhīn sīmāb rañg

    lahū se chakoroñ ke ālūda chang

    kabūtar kahīñ āshiyāne se duur

    phaḌaktā huā jaal meñ nā-subūr

    fareb-e-nazar hai sukūn o sabāt

    taḌaptā hai har zarra-e-kā.enāt

    Thahartā nahīñ kārvān-e-vajūd

    ki har lahz hai taaza shān-e-vajūd

    samajhtā hai raaz hai zindagī

    faqat zauq-e-parvāz hai zindagī

    bahut us ne dekhe haiñ past o buland

    safar us ko manzil se baḌh kar pasand

    safar zindagī ke liye barg o saaz

    safar hai haqīqat hazar hai majāz

    ulajh kar sulajhne meñ lazzat use

    taḌapne phaḌakne meñ rāhat use

    huā jab use sāmnā maut

    kaThin thā baḌā thāmnā maut

    utar kar jahān-e-makāfāt meñ

    rahī zindagī maut ghaat meñ

    mazāq-e-duī se banī zauj zauj

    uThī dasht o kohsār se fauj fauj

    gul is shāḳh se TūTte bhī rahe

    isī shāḳh se phūTte bhī rahe

    samajhte haiñ nādāñ use be-sabāt

    ubhartā hai miT miT ke naqsh-e-hayāt

    baḌī tez jaulāñ baḌī zūd-ras

    azal se abad tak ram-e-yak-nafs

    zamāna ki zanjīr-e-ayyām hai

    damoñ ke ulaT-pher naam hai

    ye mauj-e-nafs kyā hai talvār hai

    ḳhudī kyā hai talvār dhaar hai

    ḳhudī kyā hai rāz-darūn-hayāt

    ḳhudī kyā hai bedāri-e-kā.enāt

    ḳhudī jalva badmast o ḳhalvat-pasand

    samundar hai ik buuñd paanī meñ band

    añdhere ujāle meñ hai tābnāk

    man o meñ paidā man o se paak

    azal us ke pīchhe abad sāmne

    na had us ke pīchhe na had sāmne

    zamāne ke dariyā meñ bahtī huī

    sitam us maujoñ ke sahtī huī

    tajassus rāheñ badaltī huī

    damā-dam nigāheñ badaltī huī

    subuk us ke hāthoñ meñ sañg-e-girāñ

    pahāḌ us zarboñ se reg-e-ravāñ

    safar us anjām o āġhāz hai

    yahī us taqvīm raaz hai

    kiran chāñd meñ hai sharar sañg meñ

    ye be-rañg hai Duub kar rañg meñ

    ise vāsta kyā kam-o-besh se

    nasheb o farāz o pas-o-pesh se

    azal se hai ye kashmakash meñ asiir

    huī ḳhāk-e-ādam meñ sūrat-pazīr

    ḳhudī nasheman tire dil meñ hai

    falak jis tarah aañkh ke til meñ hai

    ḳhudī ke nigahbāñ ko hai zahr-nāb

    vo naañ jis se jaatī rahe us aab

    vahī naañ hai us ke liye arjumand

    rahe jis se duniyā meñ gardan buland

    ḳhudī fāl-e-mahmūd se darguzar

    ḳhudī par nigah rakh ayāzī na kar

    vahī sajda hai lā.iq-e-ehtimām

    ki ho jis se har sajda tujh par harām

    ye aalam ye hañgāma-e-rañg-o-saut

    ye aalam ki hai zer-e-farmān-e-maut

    ye aalam ye but-ḳhāna-e-chashm-o-gosh

    jahāñ zindagī hai faqat ḳhurd o nosh

    ḳhudī ye hai manzil-e-avvalīñ

    musāfir ye terā nasheman nahīñ

    tirī aag is ḳhāk-dāñ se nahīñ

    jahāñ tujh se hai jahāñ se nahīñ

    baḌhe ye koh-e-girāñ toḌ kar

    tilism-e-zamān-o-makāñ toḌ kar

    ḳhudī sher-e-maulā jahāñ us said

    zamīñ us said āsmāñ us said

    jahāñ aur bhī haiñ abhī be-numūd

    ki ḳhālī nahīñ hai zamīr-e-vajūd

    har ik muntazir terī yalġhār

    tirī shauḳhi-e-fikr-o-kirdār

    ye hai maqsad gardish-e-rozgār

    ki terī ḳhudī tujh pe ho āshkār

    hai fātah-e-ālam-e-ḳhūb-o-zisht

    tujhe kyā batā.ūñ tirī sarnavisht

    haqīqat pe hai jāma-e-harf-e-tañg

    haqīqat hai ā.īna-e-guftār-e-zañg

    farozāñ hai siine meñ sham-e-nafas

    magar tāb-e-guftār rakhtī hai bas

    agar yak-sar-e-mū-e-bartar param

    faroġh-e-tajallī ba-sozad param

    hua KHema-zan karwan-e-bahaar

    iram ban gaya daman-e-koh-sar

    gul o nargis o sosan o nastaran

    shahid-e-azal lala-KHunin kafan

    jahan chhup gaya parda-e-rang mein

    lahu ki hai gardish rag-e-sang mein

    faza nili nili hawa mein surur

    Thaharte nahin aashiyan mein tuyur

    wo ju-e-kohistan uchakti hui

    aTakti lachakti sarakti hui

    uchhalti phisalti sambhalti hui

    baDe pech kha kar nikalti hui

    ruke jab to sil chir deti hai ye

    pahaDon ke dil chir deti hai ye

    zara dekh ai saqi-e-lala-fam

    sunati hai ye zindagi ka payam

    pila de mujhe wo mai-e-parda-soz

    ki aati nahin fasl-e-gul roz roz

    wo mai jis se raushan zamir-e-hayat

    wo mai jis se hai masti-e-kaenat

    wo mai jis mein hai soz-o-saz-e-azal

    wo mai jis se khulta hai raaz-e-azal

    uTha saqiya parda is raaz se

    laDa de mamule ko shahbaz se

    zamane ke andaz badle gae

    naya rag hai saz badle gae

    hua is tarah fash raaz-e-farang

    ki hairat mein hai shisha-baz-e-farang

    purani siyasat-gari KHwar hai

    zamin mir o sultan se be-zar hai

    gaya daur-e-sarmaya-dari gaya

    tamasha dikha kar madari gaya

    giran KHwab chini sambhalne lage

    himala ke chashme ubalne lage

    dil-e-tur-e-sina-o-faran do-nim

    tajalli ka phir muntazir hai kalim

    musalman hai tauhid mein garam-josh

    magar dil abhi tak hai zunnar-posh

    tamaddun tasawwuf shariat-e-kalam

    butan-e-ajam ke pujari tamam

    haqiqat KHurafat mein kho gai

    ye ummat riwayat mein kho gai

    lubhata hai dil ko kalam-e-KHatib

    magar lazzat-e-shauq se be-nasib

    bayan is ka mantiq se suljha hua

    lughat ke bakheDon mein uljha hua

    wo sufi ki tha KHidmat-e-haq mein mard

    mohabbat mein yakta hamiyat mein fard

    ajam ke KHayalat mein kho gaya

    ye salik maqamat mein kho gaya

    bujhi ishq ki aag andher hai

    musalman nahin rakh ka Dher hai

    sharab-e-kuhan phir pila saqiya

    wahi jam gardish mein la saqiya

    mujhe ishq ke par laga kar uDa

    meri KHak jugnu bana kar uDa

    KHirad ko ghulami se aazad kar

    jawanon ko piron ka ustad kar

    hari shaKH-e-millat tere nam se hai

    nafas is badan mein tere dam se hai

    taDapne phaDakne ki taufiq de

    dil-e-murtaza soz-e-siddiq de

    jigar se wahi tir phir par kar

    tamanna ko sinon mein bedar kar

    tere aasmanon ke taron ki KHair

    zaminon ke shab zinda-daron ki KHair

    jawanon ko soz-e-jigar baKHsh de

    mera ishq meri nazar baKHsh de

    meri naw girdab se par kar

    ye sabit hai to is ko sayyar kar

    bta mujh ko asrar-e-marg-o-hayat

    ki teri nigahon mein hai kaenat

    mere dida-e-tar ki be-KHwabiyan

    mere dil ki poshida betabiyan

    mere nala-e-nim-shab ka niyaz

    meri KHalwat o anjuman ka gudaz

    umangen meri aarzuen meri

    ummiden meri justujuen meri

    meri fitrat aaina-e-rozgar

    ghazalan-e-afkar ka murgh-zar

    mera dil meri razm-gah-e-hayat

    gumanon ke lashkar yaqin ka sabaat

    yahi kuchh hai saqi mata-e-faqir

    isi se faqiri mein hun main amir

    mere qafile mein luTa de ise

    luTa de Thikane laga de ise

    dama-dam rawan hai yam-e-zindagi

    har ek shai se paida ram-e-zindagi

    isi se hui hai badan ki numud

    ki sho'le mein poshida hai mauj-e-dud

    giran garche hai sohbat-e-ab-o-gil

    KHush aai ise mehnat-e-ab-o-gil

    ye sabit bhi hai aur sayyar bhi

    anasir ke phandon se be-zar bhi

    ye wahdat hai kasrat mein har dam asir

    magar har kahin be-chugon be-nazir

    ye aalam ye but-KHana-e-shash-jihat

    isi ne tarasha hai ye somnat

    pasand is ko takrar ki KHu nahin

    ki tu main nahin aur main tu nahin

    man o tu se hai anjuman-afrin

    magar ain-e-mahfil mein KHalwat-nashin

    chamak us ki bijli mein tare mein hai

    ye chandi mein sone mein pare mein hai

    usi ke bayaban usi ke babul

    usi ke hain kanTe usi ke hain phul

    kahin us ki taqat se kohsar chur

    kahin us ke phande mein jibrail o hur

    kahin jaza hai shahin simab rang

    lahu se chakoron ke aaluda chang

    kabutar kahin aashiyane se dur

    phaDakta hua jal mein na-subur

    fareb-e-nazar hai sukun o sabaat

    taDapta hai har zarra-e-kaenat

    Thaharta nahin karwan-e-wajud

    ki har lahz hai taza shan-e-wajud

    samajhta hai tu raaz hai zindagi

    faqat zauq-e-parwaz hai zindagi

    bahut us ne dekhe hain past o buland

    safar us ko manzil se baDh kar pasand

    safar zindagi ke liye barg o saz

    safar hai haqiqat hazar hai majaz

    ulajh kar sulajhne mein lazzat use

    taDapne phaDakne mein rahat use

    hua jab use samna maut ka

    kaThin tha baDa thamna maut ka

    utar kar jahan-e-makafat mein

    rahi zindagi maut ki ghat mein

    mazaq-e-dui se bani zauj zauj

    uThi dasht o kohsar se fauj fauj

    gul is shaKH se TuTte bhi rahe

    isi shaKH se phuTte bhi rahe

    samajhte hain nadan use be-sabaat

    ubharta hai miT miT ke naqsh-e-hayat

    baDi tez jaulan baDi zud-ras

    azal se abad tak ram-e-yak-nafs

    zamana ki zanjir-e-ayyam hai

    damon ke ulaT-pher ka nam hai

    ye mauj-e-nafs kya hai talwar hai

    KHudi kya hai talwar ki dhaar hai

    KHudi kya hai raaz-darun-hayat

    KHudi kya hai bedari-e-kaenat

    KHudi jalwa badmast o KHalwat-pasand

    samundar hai ek bund pani mein band

    andhere ujale mein hai tabnak

    man o tu mein paida man o tu se pak

    azal us ke pichhe abad samne

    na had us ke pichhe na had samne

    zamane ke dariya mein bahti hui

    sitam us ki maujon ke sahti hui

    tajassus ki rahen badalti hui

    dama-dam nigahen badalti hui

    subuk us ke hathon mein sang-e-giran

    pahaD us ki zarbon se reg-e-rawan

    safar us ka anjam o aaghaz hai

    yahi us ki taqwim ka raaz hai

    kiran chand mein hai sharar sang mein

    ye be-rang hai Dub kar rang mein

    ise wasta kya kam-o-besh se

    nasheb o faraaz o pas-o-pesh se

    azal se hai ye kashmakash mein asir

    hui KHak-e-adam mein surat-pazir

    KHudi ka nasheman tere dil mein hai

    falak jis tarah aankh ke til mein hai

    KHudi ke nigahban ko hai zahr-nab

    wo nan jis se jati rahe us ki aab

    wahi nan hai us ke liye arjumand

    rahe jis se duniya mein gardan buland

    KHudi fal-e-mahmud se darguzar

    KHudi par nigah rakh ayazi na kar

    wahi sajda hai laiq-e-ehtimam

    ki ho jis se har sajda tujh par haram

    ye aalam ye hangama-e-rang-o-saut

    ye aalam ki hai zer-e-farman-e-maut

    ye aalam ye but-KHana-e-chashm-o-gosh

    jahan zindagi hai faqat KHurd o nosh

    KHudi ki ye hai manzil-e-awwalin

    musafir ye tera nasheman nahin

    teri aag is KHak-dan se nahin

    jahan tujh se hai tu jahan se nahin

    baDhe ja ye koh-e-giran toD kar

    tilism-e-zaman-o-makan toD kar

    KHudi sher-e-maula jahan us ka said

    zamin us ki said aasman us ka said

    jahan aur bhi hain abhi be-numud

    ki KHali nahin hai zamir-e-wajud

    har ek muntazir teri yalghaar ka

    teri shauKHi-e-fikr-o-kirdar ka

    ye hai maqsad gardish-e-rozgar

    ki teri KHudi tujh pe ho aashkar

    tu hai fatah-e-alam-e-KHub-o-zisht

    tujhe kya bataun teri sarnawisht

    haqiqat pe hai jama-e-harf-e-tang

    haqiqat hai aaina-e-guftar-e-zang

    farozan hai sine mein sham-e-nafas

    magar tab-e-guftar rakhti hai bas

    agar yak-sar-e-mu-e-bartar param

    farogh-e-tajalli ba-sozad param

    RECITATIONS

    Nomaan Shauque

    Nomaan Shauque,

    Nomaan Shauque

    saqi-nama Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now