nazr-e-aligaDh

Asrarul Haq Majaz

nazr-e-aligaDh

Asrarul Haq Majaz

MORE BY Asrarul Haq Majaz

    INTERESTING FACT

    Famous nazm by Majaz that later adopted as the official anthem of the prestigious Aligarh Muslim University.

    sarshār-e-nigāh-e-nargis huuñ pā-basta-e-gesu-e-sumbul huuñ

    ye merā chaman hai merā chaman maiñ apne chaman bulbul huuñ

    har aan yahāñ sahbā-e-kuhan ik sāġhar-e-nau meñ Dhaltī hai

    kaliyoñ se husn Tapaktā hai phūloñ se javānī ubaltī hai

    jo tāq-e-haram meñ raushan hai vo sham.a yahāñ bhī jaltī hai

    is dasht ke goshe goshe se ik jū-e-hayāt ubaltī hai

    islām ke is but-ḳhāne meñ asnām bhī haiñ aur aazar bhī

    tahzīb ke is mai-ḳhāne meñ shamshīr bhī hai aur sāġhar bhī

    yaañ husn barq chamaktī hai yaañ nuur bārish hotī hai

    har aah yahāñ ik naġhma hai har ashk yahāñ ik motī hai

    har shaam hai shām-e-misr yahāñ har shab hai shab-e-shīrāz yahāñ

    hai saare jahāñ soz yahāñ aur saare jahāñ saaz yahāñ

    ye dasht-e-junūñ dīvānoñ ye bazm-e-vafā parvānoñ

    ye shahr-e-tarab rūmānoñ ye ḳhuld-e-barīñ armānoñ

    fitrat ne sikhā.ī hai ham ko uftād yahāñ parvāz yahāñ

    gaa.e haiñ vafā ke giit yahāñ chheḌā hai junūñ saaz yahāñ

    is farsh se ham ne uḌ uḌ kar aflāk ke taare toḌe haiñ

    nāhīd se hai sargoshī parvīn se rishte joḌe haiñ

    is bazm meñ teġheñ khīñchī haiñ is bazm meñ sāġhar toḌe haiñ

    is bazm meñ aañkh bichhā.ī hai is bazm meñ dil tak joḌe haiñ

    is bazm meñ neze pheñke haiñ is bazm meñ ḳhanjar chūme haiñ

    is bazm meñ gir kar taḌpe haiñ is bazm meñ kar jhūme haiñ

    aa aa ke hazāroñ baar yahāñ ḳhud aag bhī ham ne lagā.ī hai

    phir saare jahāñ ne dekhā hai ye aag hamīñ ne bujhā.ī hai

    yaañ ham ne kamandeñ Daalī haiñ yaañ ham ne shab-ḳhūñ maare haiñ

    yaañ ham ne qabā.eñ nochī haiñ yaañ ham ne taaj utāre haiñ

    har aah hai ḳhud tāsīr yahāñ har ḳhvāb hai ḳhud tābīr yahāñ

    tadbīr ke pā-e-sañgīñ par jhuk jaatī hai taqdīr yahāñ

    zarrāt bosa lene ko sau baar jhukā ākāsh yahāñ

    ḳhud aañkh se ham ne dekhī hai bātil shikast-e-fāsh yahāñ

    is gul-kada-e-pārīna meñ phir aag bhaḌakne vaalī hai

    phir abr garajne vaale haiñ phir barq kaḌakne vaalī hai

    jo abr yahāñ se uTThegā vo saare jahāñ par barsegā

    har jū-e-ravāñ par barsegā har koh-e-girāñ par barsegā

    har sarv-o-saman par barsegā har dasht-o-daman par barsegā

    ḳhud apne chaman par barsegā ġhairoñ ke chaman par barsegā

    har shahr-e-tarab par garjegā har qasr-e-tarab par kaḌkegā

    ye abr hamesha barsā hai ye abr hamesha barsegā

    sarshaar-e-nigah-e-nargis hun pa-basta-e-gesu-e-sumbul hun

    ye mera chaman hai mera chaman main apne chaman ka bulbul hun

    har aan yahan sahba-e-kuhan ek saghar-e-nau mein Dhalti hai

    kaliyon se husn Tapakta hai phulon se jawani ubalti hai

    jo taq-e-haram mein raushan hai wo shama yahan bhi jalti hai

    is dasht ke goshe goshe se ek ju-e-hayat ubalti hai

    islam ke is but-KHane mein asnam bhi hain aur aazar bhi

    tahzib ke is mai-KHane mein shamshir bhi hai aur saghar bhi

    yan husn ki barq chamakti hai yan nur ki barish hoti hai

    har aah yahan ek naghma hai har ashk yahan ek moti hai

    har sham hai sham-e-misr yahan har shab hai shab-e-shiraaz yahan

    hai sare jahan ka soz yahan aur sare jahan ka saz yahan

    ye dasht-e-junun diwanon ka ye bazm-e-wafa parwanon ki

    ye shahr-e-tarab rumanon ka ye KHuld-e-barin armanon ki

    fitrat ne sikhai hai hum ko uftad yahan parwaz yahan

    gae hain wafa ke git yahan chheDa hai junun ka saz yahan

    is farsh se hum ne uD uD kar aflak ke tare toDe hain

    nahid se ki hai sargoshi parwin se rishte joDe hain

    is bazm mein teghen khinchi hain is bazm mein saghar toDe hain

    is bazm mein aankh bichhai hai is bazm mein dil tak joDe hain

    is bazm mein neze phenke hain is bazm mein KHanjar chume hain

    is bazm mein gir kar taDpe hain is bazm mein pi kar jhume hain

    aa aa ke hazaron bar yahan KHud aag bhi hum ne lagai hai

    phir sare jahan ne dekha hai ye aag hamin ne bujhai hai

    yan hum ne kamanden Dali hain yan hum ne shab-KHun mare hain

    yan hum ne qabaen nochi hain yan hum ne taj utare hain

    har aah hai KHud tasir yahan har KHwab hai KHud tabir yahan

    tadbir ke pa-e-sangin par jhuk jati hai taqdir yahan

    zarraat ka bosa lene ko sau bar jhuka aakash yahan

    KHud aankh se hum ne dekhi hai baatil ki shikast-e-fash yahan

    is gul-kada-e-parina mein phir aag bhaDakne wali hai

    phir abr garajne wale hain phir barq kaDakne wali hai

    jo abr yahan se uTThega wo sare jahan par barsega

    har ju-e-rawan par barsega har koh-e-giran par barsega

    har sarw-o-saman par barsega har dasht-o-daman par barsega

    KHud apne chaman par barsega ghairon ke chaman par barsega

    har shahr-e-tarab par garjega har qasr-e-tarab par kaDkega

    ye abr hamesha barsa hai ye abr hamesha barsega

    Videos
    This video is playing from YouTube

    Videos
    This video is playing from YouTube

    group

    group

    RECITATIONS

    Nomaan Shauque

    Nomaan Shauque

    Nomaan Shauque

    nazr-e-aligaDh Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites