niyaz-mandi

rūh-e-gulistāñ samajh

jān-e-rañg-o-bū samajh

naġhma-e-bahār kah asal hā-o-hū samajh

dekh chashm-e-shauq se

ḳhashm kī nigāh se

terā zauq hai mujhe jo bhī chāhe tū samajh

mere ruḳh pe taab hai

tere ruḳh kī taab se

mere dam se hai terī zulf-e-mushkbū samajh

qulzum-e-hayāt meñ

josh tere zikr se

merā fikr hai tirī mastiyoñ kī jo samajh

maiñ huuñ terā rāzdāñ

azmatoñ kā pāsbāñ

apnā paas kar mujhe apnī aabrū samajh

ik nigāh-e-shauq se

dekh kyā nahīñ huuñ maiñ

naḳhl-e-ārzū samajh asl-e-justujū samajh

ruh-e-gulistan samajh

jaan-e-rang-o-bu samajh

naghma-e-bahaar kah asal ha-o-hu samajh

dekh chashm-e-shauq se

KHashm ki nigah se

tera zauq hai mujhe jo bhi chahe tu samajh

mere ruKH pe tab hai

tere ruKH ki tab se

mere dam se hai teri zulf-e-mushkbu samajh

qulzum-e-hayat mein

josh tere zikr se

mera fikr hai teri mastiyon ki jo samajh

main hun tera raazdan

azmaton ka pasban

apna pas kar mujhe apni aabru samajh

ek nigah-e-shauq se

dekh kya nahin hun main

naKHl-e-arzu samajh asl-e-justuju samajh