aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kal ki baat

Akhtarul Iman

kal ki baat

Akhtarul Iman

MORE BYAkhtarul Iman

    aise baiThe idhar bhayyā the daa.eñ jānib

    un ke nazdīk baḌī aapā shabāna ko liye

    apnī sasurāl ke kuchh qisse latīfe bāteñ

    yuuñ sunātī thiiñ hañse paḌte the sab

    sāmne ammāñ vahīñ khole piTārī apnī

    muñh bhare paan se samdhan inhīñ bātoñ par

    jhunjhlātī thiiñ kabhī tanz se kuchh kahtī thiiñ

    ham ko ghere hue baiThī thiiñ na.īma shahnāz

    vaqfe vaqfe se kabhī donoñ meñ chashmak hotī

    hasb-e-ma.amūl sambhāle hue ḳhāna-dārī

    mañjhlī aapā kabhī aatī kabhī jaatī thiiñ

    ham se duur abbā usī kamre ke ik kone meñ

    kāġhzāt apne arāzī ke liye baiThe the

    yak-ba-yak shor huā mulk nayā mulk banā

    aur ik aan meñ mahfil huī darham-barham

    aañkh jo kholī to dekhā ki zamīñ laal hai sab

    taqviyat zehn ne Thahro nahīñ ḳhuun nahīñ

    paan piik hai ye ammāñ ne thūkī hogī

    aise hi baiThe idhar bhayya the daen jaanib

    un ke nazdik baDi aapa shabana ko liye

    apni sasural ke kuchh qisse latife baaten

    yun sunati thin hanse paDte the sab

    samne amman wahin khole piTari apni

    munh bhare pan se samdhan ki inhin baaton par

    jhunjhlati thin kabhi tanz se kuchh kahti thin

    hum ko ghere hue baiThi thin naima shahnaz

    waqfe waqfe se kabhi donon mein chashmak hoti

    hasb-e-mamul sambhaale hue KHana-dari

    manjhli aapa kabhi aati kabhi jati thin

    hum se dur abba usi kamre ke ek kone mein

    kaghzat apne araazi ke liye baiThe the

    yak-ba-yak shor hua mulk naya mulk bana

    aur ek aan mein mahfil hui darham-barham

    aankh jo kholi to dekha ki zamin lal hai sab

    taqwiyat zehn ne di Thahro nahin KHun nahin

    pan ki pik hai ye amman ne thuki hogi

    RECITATIONS

    Nomaan Shauque

    Nomaan Shauque,

    Nomaan Shauque

    kal ki baat Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now