pas-manzar ki aawaz

kisī bhūle naam kā zā.iqa

kisī zard din kī giraft meñ

kisī kho.e ḳhvāb kā vasvasa

kisī gahrī shab kī sarisht meñ

kahīñ dhuup chhāñv ke darmiyāñ

kisī ajnabī se dayār ke

maiñ javār meñ phirūñ kis tarah

ye havā chalegī to kab talak

ye zamīñ rahegī to kab talak

khule āñganoñ pe

muhīb raat jhukī rahegī to kab talak

ye jo āhaToñ kā hirās hai

use apne maile libās se

maiñ jhaTak ke pheñk duuñ kis tarah

vo jo māvarā-e-havās hai

use roz-o-shab ke hisāb se

karūñ de dimāġh meñ kis tarah

koī āñsuoñ kī zabāñ nahīñ

koī mā-sāvā-e-gumāñ nahīñ

ye jo dhundlī āñkhoñ meñ Dūbtā koī naam hai

ye kahīñ nahīñ

ye kahāñ nahīñ

ye qayām-e-ḳhvāb davām-e-ḳhvāb

rahūñ is se daur meñ kis tarah

unhī sāhiloñ pe

taḌaptī ret meñ so rahūñ

mujhe izn-e-zillat-e-hast ho

kisi bhule nam ka zaiqa

kisi zard din ki giraft mein

kisi khoe KHwab ka waswasa

kisi gahri shab ki sarisht mein

kahin dhup chhanw ke darmiyan

kisi ajnabi se dayar ke

main jawar mein phirun kis tarah

ye hawa chalegi to kab talak

ye zamin rahegi to kab talak

khule aanganon pe

muhib raat jhuki rahegi to kab talak

ye jo aahaTon ka hiras hai

use apne maile libas se

main jhaTak ke phenk dun kis tarah

wo jo mawara-e-hawas hai

use roz-o-shab ke hisab se

karun de dimagh mein kis tarah

koi aansuon ki zaban nahin

koi ma-sawa-e-guman nahin

ye jo dhundli aankhon mein Dubta koi nam hai

ye kahin nahin

ye kahan nahin

ye qayam-e-KHwab dawam-e-KHwab

rahun is se daur mein kis tarah

unhi sahilon pe

taDapti ret mein so rahun

mujhe izn-e-zillat-e-hast ho