aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pata nahin wo kaun tha

Bashar Nawaz

pata nahin wo kaun tha

Bashar Nawaz

MORE BYBashar Nawaz

    pata nahīñ vo kaun thā

    jo mere haath

    mūgre Daal pañkh mor thamā ke chal diyā

    pata nahīñ vo kaun thā

    havā ke jhoñke tarah jo aayā aur guzar gayā

    nazar ko rañg dil ko nik.hatoñ ke dukh se bhar gayā

    maiñ kaun huuñ

    guzarne vaalā kaun thā

    ye phuul pañkh kyā haiñ kyuuñ mile

    ye sochte sochte tamām rañg ek rañg meñ utarte ga.e

    ......siyāh rañg

    tamām nik.hateñ idhar udhar bikhar ga.iiñ

    .........ḳhalāoñ meñ

    yaqīn hai...... nahīñ nahīñ gumān hai

    vo koī merā dushman-e-qadīm thā

    dikhā ke jo sarāb merī pyaas aur baḌhā gayā

    maiñ be-hisāb ārzūoñ shikār

    intihā-e-shauq meñ fareb us khā gayā

    gumān... nahīñ nahīñ yaqīn hai

    vo koī merā dost thā

    jo do ghaḌī ke vāste kyuuñ na ho

    nazar ko rañg dil ko nik.hatoñ se bhar gayā

    pata nahīñ kidhar gayā

    maiñ is ko DhūñDhtā huā

    tamām kā.enāt meñ

    udhar udhar bikhar gayā

    pata nahin wo kaun tha

    jo mere hath

    mugre ki Dal pankh mor ka thama ke chal diya

    pata nahin wo kaun tha

    hawa ke jhonke ki tarah jo aaya aur guzar gaya

    nazar ko rang dil ko nikhaton ke dukh se bhar gaya

    main kaun hun

    guzarne wala kaun tha

    ye phul pankh kya hain kyun mile

    ye sochte hi sochte tamam rang ek rang mein utarte gae

    siyah rang

    tamam nikhaten idhar udhar bikhar gain

    KHalaon mein

    yaqin hai nahin nahin guman hai

    wo koi mera dushman-e-qadim tha

    dikha ke jo sarab meri pyas aur baDha gaya

    main be-hisab aarzuon ka shikar

    intiha-e-shauq mein fareb us ka kha gaya

    guman nahin nahin yaqin hai

    wo koi mera dost tha

    jo do ghaDi ke waste hi kyun na ho

    nazar ko rang dil ko nikhaton se bhar gaya

    pata nahin kidhar gaya

    main is ko DhunDhta hua

    tamam kaenat mein

    udhar udhar bikhar gaya

    Source:

    azadi ke bad urdu nazm (Pg. 569)

    • Author: shamim hanfi and mazhar mahdi
      • Edition: 2005
      • Publisher: qaumi council bara-e-farogh urdu
      • Year of Publication: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now