aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nai subh

MORE BYSahir Hoshiyarpuri

    ye chaman-zār ye ḳhush-rañg bahāroñ jahāñ

    zindagī kitnī dil-āvez-o-dil-ārā hai yahāñ

    champa.ī dhuup meñ har zarra hai sūraj kiran

    chāñdnī raat meñ har phuul hai raushan raushan

    nuur nuur zamīñ se hai falak tak raqsāñ

    zindagī kitnī dil-āvez-o-dil-ārā hai yahāñ

    vādī-e-gañg-o-jaman jannat-e-nazāra hai

    sar-zamīñ apnī zar-o-sīm gahvāra hai

    apne dariyāoñ har mauj meñ bijlī hai ravāñ

    zindagī kitnī dil-āvez-o-dil-ārā hai yahāñ

    valvale dil meñ to āñkhoñ meñ umañgeñ raushan

    haiñ sabhī chehre yahāñ husn-e-amal ke darpan

    azmat mehnat-o-īsār jabīnoñ se ayaañ

    zindagī kitnī dil-āvez-o-dil-ārā hai yahāñ

    āshtī amn mohabbat ke parastār sabhī

    jazba-e-mehr-o-mohabbat se haiñ sarshār sabhī

    sājhe tyauhār haiñ holī ho ki īd-e-qurbāñ

    zindagī kitnī dil-āvez-o-dil-ārā hai yahāñ

    tarjumān-e-dil-e-jamhūr adīb-o-fankār

    in ke afkār tavānā haiñ taḳhayyul bedār

    nikhrā nikhrā na.ī saj-dhaj hai andāz-e-bayāñ

    zindagī kitnī dil-āvez-o-dil-ārā hai yahāñ

    ye chaman-zar ye KHush-rang bahaaron ka jahan

    zindagi kitni dil-awez-o-dil-ara hai yahan

    champai dhup mein har zarra hai suraj ki kiran

    chandni raat mein har phul hai raushan raushan

    nur hi nur zamin se hai falak tak raqsan

    zindagi kitni dil-awez-o-dil-ara hai yahan

    wadi-e-gang-o-jaman jannat-e-nazara hai

    sar-zamin apni zar-o-sim ka gahwara hai

    apne dariyaon ki har mauj mein bijli hai rawan

    zindagi kitni dil-awez-o-dil-ara hai yahan

    walwale dil mein to aankhon mein umangen raushan

    hain sabhi chehre yahan husn-e-amal ke darpan

    azmat mehnat-o-isar jabinon se ayan

    zindagi kitni dil-awez-o-dil-ara hai yahan

    aashti amn mohabbat ke parastar sabhi

    jazba-e-mehr-o-mohabbat se hain sarshaar sabhi

    sajhe tyauhaar hain holi ho ki id-e-qurban

    zindagi kitni dil-awez-o-dil-ara hai yahan

    tarjuman-e-dil-e-jamhur adib-o-fankar

    in ke afkar tawana hain taKHayyul bedar

    nikhra nikhra nai saj-dhaj ka hai andaz-e-bayan

    zindagi kitni dil-awez-o-dil-ara hai yahan

    Source:

    Sehr-e-Khayal (Pg. 48)

    • Author: Sahir Hoshiarpuri
      • Edition: 1990
      • Publisher: Modern Publishing House
      • Year of Publication: 1990

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now