KHatib-e-azam (sayyad ata-ullah-buKhaari)

ḳhatīb-e-āzam arab kā naġhma ajam kī lai meñ sunā rahā hai

sar-e-chaman chahchahā rahā hai sar-e-viġhā muskurā rahā hai

hadīs-e-sarv-o-saman nichhāvar zabān-e-shamshīr is pe qurbāñ

musailama aise ja.al-sāzoñ kī beḳh o buniyād Dhā rahā hai

qurūn-e-ūla kī razm-gāhoñ se murtazā kā jalāl le kar

dabīz nīndeñ jhiñjhoḌtā hai mujāhidoñ ko jagā rahā hai

haiñ us kī lalkār se hirāsāñ mohammad-e-mustafā ke bāġhī

vafā ke jhanDe gaḌe hue haiñ ġhanīm par dandanā rahā hai

maiñ us ke chehre kī muskurāhaT se aisā mahsūs kar rahā huuñ

ki jaise kausar pe shaam hote koī diyā jhilmilā rahā hai

vo mard darvesh jis ko haq ne diye haiñ andāz-e-ḳhusravāna

usī kī sūrat ko tak rahā hai safar se lauTā huā zamāna

KHatib-e-azam arab ka naghma ajam ki lai mein suna raha hai

sar-e-chaman chahchaha raha hai sar-e-wigha muskura raha hai

hadis-e-sarw-o-saman nichhawar zaban-e-shamshir is pe qurban

musailama aise jal-sazon ki beKH o buniyaad Dha raha hai

qurun-e-ula ki razm-gahon se murtaza ka jalal le kar

dabiz ninden jhinjhoDta hai mujahidon ko jaga raha hai

hain us ki lalkar se hirasan mohammad-e-mustafa ke baghi

wafa ke jhanDe gaDe hue hain ghanim par dandana raha hai

main us ke chehre ki muskurahaT se aisa mahsus kar raha hun

ki jaise kausar pe sham hote koi diya jhilmila raha hai

wo mard darwesh jis ko haq ne diye hain andaz-e-KHusrawana

usi ki surat ko tak raha hai safar se lauTa hua zamana