aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

sultan aKHtar paTna ke nam (jadid amali tanqid)

Raza Naqvi Vahi

sultan aKHtar paTna ke nam (jadid amali tanqid)

Raza Naqvi Vahi

MORE BYRaza Naqvi Vahi

    sultān aḳhtar aap jo ġhā.eb haiñ āj-kal

    rahmāniya nashīnoñ shām-o-sahar hai Dal

    jab se qalam ko taj ke sambhālī hai rifle

    ālām-e-bevgī meñ paḌī hai na.ī ġhazal

    yaksar udaas rahte haiñ kul intellectual

    nazr-e-shikār ho ga.ī un chahal-pahal

    albatta ik zarā huī thī uthal-puthal

    muddat ke ba.ad TuuTā thā jumūd kal

    do naujavān sahn meñ is chā.e-gāh ke

    bāham digar the bahs meñ masrūf be-ḳhalal

    thā un meñ ek chūza qad-o-munhanī badan

    qāmat meñ dūsrā thā shuturmurġh se double

    ye bahs thī ki kaun hai in meñ jadīd-tar

    donoñ meñ kis hotī hai tahrīr mubtazal

    donoñ meñ kaun kis se ziyāda hai be-tukā

    kahtā hai kaun kis se zaTal khurdurī ġhazal

    in meñ jo manhanī thā vo bolā ba-sad ġhurūr

    sun lo ki maiñ huuñ tum se baḌā intellectual

    merī kahāniyoñ meñ ma.aqūl rañg hai

    maflūj jin ke sāmne hai fahm amal

    tarsīl-e-nā-rasā sanad mere paas hai

    mujh ko sarāhtā hai mujāhid miyāñ dil

    ye lan-tarāniyāñ na huiiñ dūsre se hazm

    hoñT is ke kāñpne lage aayā jabīñ pe bal

    chīḳhā vo aa ke taish maiñ terī bisāt kyā

    to aur jadīdiyat meñ bane merā rival

    likhtā huuñ aise aise makātīb be-tuke

    kolhū bail bhī mirā chelā hai āj-kal

    islāh kalām pe ḳhud tere bārhā

    ma.anī se lafz lafz se ma.anī diye badal

    in sab ke bāvajūd akaḌtā hai mujh se

    kyā daf.atan dimāġh meñ aayā tire ḳhalal

    ab manhanī adiib ko bhī aa gayā jalāl

    kahne lagā ki zarf se apne na yuuñ ubal

    imlā durust hai na talaffuz tirā durust

    tahrīr ho kalām ho har chiiz hai zaTal

    islāh degā ḳhaak vo mere kalām par

    jo naql ko naqal kahe aur asl ko asal

    ye baat dūsre ko lagī saḳht nāgavār

    aur vo chalā ke haath ye bolā ki le sambhal

    phir to evaz zabān ke hāthoñ ke bol se

    us ne shurūa kar diyā tanqīd amal

    ba.ad us ke donoñ guth ga.e ek dūsre ke saath

    rahmāniya ke sahn meñ hone lagā Dual

    kamzor dekhne meñ thā manhanī javān

    jhapTā darāz-qad pe jo pahlū badal badal

    yaarā mudāfa.at na baaqī rahā use

    do Thokaroñ meñ gir paḌā be-chāra muñh ke bal

    chīte tarah jast lagā kar harīf par

    zaa.e.a kiye baġhair koī lamha koī pal

    pusht-e-darāz-qad pe vo jhaT ho gayā savār

    aur us ke saare jism ko karne lagā kharal

    ik bhiiḌ jam.a ho ga.ī donoñ ke ird-gard

    paidā huā na un ke amal meñ magar ḳhalal

    dekhā tamām logoñ ne ik lutf-e-ḳhās se

    iz.hār-e-zāt vo tamāshā-e-be-badal

    jab donoñ thak ke chuur hue ḳhud haT ga.e

    chehra kisī surḳh thā baazū kisī shal

    is vāqiye ko sun ke kareñ aap faisla

    un meñ thā kaun kis se baḌā intellectual

    sultan aKHtar aap jo ghaeb hain aaj-kal

    rahmaniya nashinon ki sham-o-sahar hai Dal

    jab se qalam ko taj ke sambhaali hai rifle

    aalam-e-bewgi mein paDi hai nai ghazal

    yaksar udas rahte hain kul intellectual

    nazr-e-shikar ho gai un ki chahal-pahal

    albatta ek zara si hui thi uthal-puthal

    muddat ke baad TuTa tha na ka jumud kal

    do naujawan sahn mein is chae-gah ke

    baham digar the bahs mein masruf be-KHalal

    tha un mein ek chuza qad-o-munhani badan

    qamat mein dusra tha shuturmurgh se double

    ye bahs thi ki kaun hai in mein jadid-tar

    donon mein kis ki hoti hai tahrir mubtazal

    donon mein kaun kis se ziyaada hai be-tuka

    kahta hai kaun kis se zaTal khurduri ghazal

    in mein jo manhani tha wo bola ba-sad ghurur

    sun lo ki main hun tum se baDa intellectual

    meri kahaniyon mein maqul ka rang hai

    mafluj jin ke samne hai fahm ka amal

    tarsil-e-na-rasa ki sanad mere pas hai

    mujh ko sarahta hai mujahid miyan ka dil

    ye lan-taraniyan na huin dusre se hazm

    honT is ke kanpne lage aaya jabin pe bal

    chiKHa wo aa ke taish main teri bisat kya

    to aur jadidiyat mein bane mera riwal

    likhta hun aise aise makatib be-tuke

    kolhu ka bail bhi mera chela hai aaj-kal

    islah di kalam pe KHud tere barha

    mani se lafz lafz se mani diye badal

    in sab ke bawajud akaDta hai mujh se tu

    kya dafatan dimagh mein aaya tere KHalal

    ab manhani adib ko bhi aa gaya jalal

    kahne laga ki zarf se apne na yun ubal

    imla durust hai na talaffuz tera durust

    tahrir ho kalam ho har chiz hai zaTal

    islah dega KHak wo mere kalam par

    jo naql ko naqal kahe aur asl ko asal

    ye baat dusre ko lagi saKHt nagawar

    aur wo chala ke hath ye bola ki le sambhal

    phir to ewaz zaban ke hathon ke bol se

    us ne shurua kar diya tanqid ka amal

    baad us ke donon guth gae ek dusre ke sath

    rahmaniya ke sahn mein hone laga Dual

    kamzor dekhne hi mein tha manhani jawan

    jhapTa daraaz-qad pe jo pahlu badal badal

    yara mudafat ka na baqi raha use

    do Thokaron mein gir paDa be-chaara munh ke bal

    chite ki tarah jast laga kar harif par

    zaea kiye baghair koi lamha koi pal

    pusht-e-daraaz-qad pe wo jhaT ho gaya sawar

    aur us ke sare jism ko karne laga kharal

    ek bhiD jama ho gai donon ke ird-gard

    paida hua na un ke amal mein magar KHalal

    dekha tamam logon ne ek lutf-e-KHas se

    izhaar-e-zat ka wo tamasha-e-be-badal

    jab donon thak ke chur hue KHud hi haT gae

    chehra kisi ka surKH tha bazu kisi ka shal

    is waqiye ko sun ke karen aap faisla

    un mein tha kaun kis se baDa intellectual

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now