phir sham hui

phailtā phailtā shām-e-ġham kā dhuāñ

ik udāsī kā tantā huā sā.ebāñ

ūñche ūñche mināroñ ke sar pe ravāñ

dekh pahuñchā hai āḳhir kahāñ se kahāñ

jhāñktā sūrat-e-ḳhail-e-āvārgāñ

ġhurfa ġhurfa bahr kāḳh-o-kū shahr meñ

daf.atan sail-e-zulmāt ko chīrtā

jal uThā duur bastī kā pahlā diyā

panchhiyoñ ne bhī pachchhim kā rasta liyā

ḳhair jaao azīzo magar dekhnā

ek jugnū bhī mish.al sī le ke chalā

hai use bhī koī justujū shahr meñ?

āsmāñ par ravāñ surma.ī bādalo

haañ tumhīñ kyā uḌo aur ūñche uḌo

bāġh-e-ālam ke taaza shagufta gulū

be-niyāzāna mahkā karo ḳhush raho

lekin itnā bhī sochā, kabhī zālimo!

ham bhī haiñ āshiq-e-rañg-o-bū shahr meñ

koī dekhe ye majbūriyāñ dūriyāñ

ek hī shahr meñ ham kahāñ tum kahāñ

dostoñ ne bhī chhoḌī haiñ dil-dāriyāñ

aaj vaqf-e-ġham-e-ulfat-e-rā.egāñ

ham jo phirte haiñ vahshat-zada sargirāñ

the kabhī sāhib-e-ābrū shahr meñ

log tānoñ se kyā kyā jatāte nahīñ

aise raahī to manzil ko paate nahīñ

jī se ik dūsre ko bhulāte nahīñ

sāmne bhī magar aate jaate nahīñ

aur jaa.eñ to āñkheñ milāte nahīñ

haa.e kyā kyā nahīñ guftugū shahr meñ

chāñd niklā hai dāġhoñ kī mish.al liye

duur girjā ke mīnāroñ kī oT se

aa mirī jaan aa ek se do bhale

aaj phere kareñ kūcha-e-yār ke

aur hai kaun dard-āshnā bāvare!

ek maiñ shahr meñ, ek tū shahr meñ

phailta phailta sham-e-gham ka dhuan

ek udasi ka tanta hua saeban

unche unche minaron ke sar pe rawan

dekh pahuncha hai aaKHir kahan se kahan

jhankta surat-e-KHail-e-awargan

ghurfa ghurfa bahr kaKH-o-ku shahr mein

dafatan sail-e-zulmat ko chirta

jal uTha dur basti ka pahla diya

panchhiyon ne bhi pachchhim ka rasta liya

KHair jao azizo magar dekhna

ek jugnu bhi mishal si le ke chala

hai use bhi koi justuju shahr mein?

aasman par rawan surmai baadalo

han tumhin kya uDo aur unche uDo

bagh-e-alam ke taza shagufta gulu

be-niyazana mahka karo KHush raho

lekin itna bhi socha, kabhi zalimo!

hum bhi hain aashiq-e-rang-o-bu shahr mein

koi dekhe ye majburiyan duriyan

ek hi shahr mein hum kahan tum kahan

doston ne bhi chhoDi hain dil-dariyan

aaj waqf-e-gham-e-ulfat-e-raegan

hum jo phirte hain wahshat-zada sargiran

the kabhi sahib-e-abru shahr mein

log tanon se kya kya jatate nahin

aise rahi to manzil ko pate nahin

ji se ek dusre ko bhulate nahin

samne bhi magar aate jate nahin

aur jaen to aankhen milate nahin

hae kya kya nahin guftugu shahr mein

chand nikla hai daghon ki mishal liye

dur girja ke minaron ki oT se

aa meri jaan aa ek se do bhale

aaj phere karen kucha-e-yar ke

aur hai kaun dard-ashna baware!

ek main shahr mein, ek tu shahr mein