aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pichhle-pahar ke sannaTe mein

Ibn e Insha

pichhle-pahar ke sannaTe mein

Ibn e Insha

MORE BYIbn e Insha

    pichhle pahr ke sannāTe meñ

    kis siskī kis naala

    kamre ḳhāmosh fazā meñ dar aayā hai

    zor havā TuuT chukā hai

    khule darīche jaalī se

    nannhī nannhī būñdeñ chhan kar

    sab konoñ meñ phail ga.ī haiñ

    aur mire ashkoñ se

    un ke haath takiya bhiig gayā hai

    kitnī zālim

    kitnī gahrī tārīkī hai

    khulā darīcha thar-thar-thar-thar kaañp rahā hai

    bhīgī miTTī sauñdhī ḳhushbū chhoḌ rahī hai

    uude bādal

    kaale ambar jhīloñ meñ Duub ga.e haiñ

    kis ke ruḳhsāroñ larzish dekh rahā huuñ

    kis zulfoñ shiknoñ se khel rahā huuñ

    chupke chupke leTe leTe soch rahā huuñ

    pichhle pahr sannāTā hai

    kis siskī kis naala

    kamre ḳhāmosh fazā meñ dar aayā hai

    ghane daraḳhtoñ meñ purvā siiTī gūñjī

    do dikshoñ meñ qaidī rūheñ chīḳh rahī haiñ

    konoñ meñ dubke hue jhīñgar chillāte haiñ

    mehrāboñ se bhūtoñ ke sar Takrāte haiñ

    qil.e ke ik burj ke andar

    ek parī (shīlāT rānī)

    ḳhandaq ke an-dekhe paanī gahrā.ī

    andeshe ke bālishtoñ se maap rahī hai

    maazī DevḌhī chilman

    khule darīche jaalī se

    chhan chhan aa.eñ

    ruup jot hinā laalī kal yādeñ

    sauñdhī ḳhushbū ThanDī būñdeñ

    kal ke baasī aañsū jin se

    fardā ke bālīñ pardā bhiig rahā hai

    sehr-zada mahbūs hasīna

    sapnoñ ke shīlāT raanī

    ā.īnoñ meñ husn-e-shikasta dekh rahī hai

    kitne chehre TuuTe TuuTe

    pahchāne an-pahchāne se

    aage pīchhe aage pīchhe bhaag rahe haiñ

    qil.e ke aaseb sūrat kis siskī kis naala

    kamre ḳhāmosh fazā meñ dar aayā hai

    bichhḌe logo piyāre logo

    chāheñ bhī to naam tumhāre jaan sakeñge?

    kaise māneñ tum ko hamāre

    lene mar lene

    ḳhushī huī afsos huā hai

    tum kyā jaano

    kis ke haath takiya

    kis ke garm ashkoñ se bhiig rahā hai

    khule darīche jaalī se chimTī āñkho

    ik lamhe ke kauñde meñ tum

    kin kin ajnabī chīzoñ ko pahchān sakogī

    jīvan-khel meñ haare logo

    bichhḌe logo piyāre logo

    barkhā lambī rātoñ meñ

    kamre ḳhāmosh fazā meñ

    pichhle pahr ke sannāTe meñ

    rote rote jāgne vaale

    ham logoñ ko so lene do

    aur saverā ho lene do

    pichhle pahr ke sannaTe mein

    kis ki siski kis ka nala

    kamre ki KHamosh faza mein dar aaya hai

    zor hawa ka TuT chuka hai

    khule dariche ki jali se

    nannhi nannhi bunden chhan kar

    sab konon mein phail gai hain

    aur mere ashkon se

    un ke hath ka takiya bhig gaya hai

    kitni zalim

    kitni gahri tariki hai

    khula daricha thar-thar-thar-thar kanp raha hai

    bhigi miTTi saundhi KHushbu chhoD rahi hai

    ude baadal

    kale ambar ki jhilon mein Dub gae hain

    kis ke ruKHsaron ki larzish dekh raha hun

    kis ki zulfon ki shiknon se khel raha hun

    chupke chupke leTe leTe soch raha hun

    pichhle pahr ka sannaTa hai

    kis ki siski kis ka nala

    kamre ki KHamosh faza mein dar aaya hai

    ghane daraKHton mein purwa ki siTi gunji

    do dikshon mein qaidi ruhen chiKH rahi hain

    konon mein dubke hue jhingar chillate hain

    mehrabon se bhuton ke sar Takraate hain

    qile ke ek burj ke andar

    ek pari (shilaT ki rani)

    KHandaq ke an-dekhe pani ki gahrai

    andeshe ke baalishton se map rahi hai

    mazi ki DewDhi ki chilman

    khule dariche ki jali se

    chhan chhan aaen

    rup ki jot hina ki lali kal ki yaaden

    saundhi KHushbu ThanDi bunden

    kal ke basi aansu jin se

    farda ke baalin ka parda bhig raha hai

    sehr-zada mahbus hasina

    sapnon ke shilaT ki rani

    aainon mein husn-e-shikasta dekh rahi hai

    kitne chehre TuTe TuTe

    pahchane an-pahchane se

    aage pichhe aage pichhe bhag rahe hain

    qile ke aaseb ki surat kis ki siski kis ka nala

    kamre ki KHamosh faza mein dar aaya hai

    bichhDe logo piyare logo

    chahen bhi to nam tumhaare jaan sakenge?

    kaise manen tum ko hamare

    ji lene ki mar lene ki

    KHushi hui afsos hua hai

    tum kya jaano

    kis ke hath ka takiya

    kis ke garm ashkon se bhig raha hai

    khule dariche ki jali se chimTi aankho

    ek lamhe ke kaunde mein tum

    kin kin ajnabi chizon ko pahchan sakogi

    jiwan-khel mein haare logo

    bichhDe logo piyare logo

    barkha ki lambi raaton mein

    kamre ki KHamosh faza mein

    pichhle pahr ke sannaTe mein

    rote rote jagne wale

    hum logon ko so lene do

    aur sawera ho lene do

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now