waba ke dinon mein maut ki rehearsal

Sidra Sahar Imran

waba ke dinon mein maut ki rehearsal

Sidra Sahar Imran

MORE BYSidra Sahar Imran

    tanhā.ī ke juute pahne

    ham second-hand qabroñ meñ rah rahe haiñ

    hameñ akele-pan mashīnoñ meñ Daal kar

    sikhāyā rahā hai

    ki maut se jañg ho jaa.e to

    kamar par golī khā kar maidān se bhāgnā nahīñ hai

    hamāre siine parcham tarah

    lahrā rahe haiñ

    barsāt mausam nahīñ

    magar maut puurī shiddatoñ ke saath

    tamām shahroñ par baras rahī hai

    ham apnī apnī qabroñ meñ paḌe sochte haiñ

    zindagī riyāzī meñ

    faqat nafī mashqeñ kyoñ hotī haiñ

    hamārī āñkheñ din bhar dīvāroñ par

    sirf janāza-gāheñ painT kartī rahtī haiñ

    agarche hamāre saath

    kisī āñkheñ nahīñ jā.eñgī

    na koī muskurāhaT

    na alvidā'ī bosa

    koī curfew jaisī maut bhī martā hai

    aaj se pahle ye savāl

    kahīñ paidā nahīñ huā thā

    ham sirf apnī āñkhoñ se zinda rah kar

    apne aap ko bātoñ meñ lagā.e hue haiñ

    jaane kab ye rābta munqata.a ho

    aur ham second-hand qabroñ se

    plastic ke thailoñ meñ muntaqil ho jaa.eñ

    tanhai ke jute pahne

    hum second-hand qabron mein rah rahe hain

    hamein akele-pan ki mashinon mein Dal kar

    sikhaya ja raha hai

    ki maut se jang ho jae to

    kamar par goli kha kar maidan se bhagna nahin hai

    hamare sine parcham ki tarah

    lahra rahe hain

    barsat ka mausam nahin

    magar maut puri shiddaton ke sath

    tamam shahron par baras rahi hai

    hum apni apni qabron mein paDe sochte hain

    zindagi ki riyazi mein

    faqat nafi ki mashqen kyon hoti hain

    hamari aankhen din bhar diwaron par

    sirf janaza-gahen painT karti rahti hain

    agarche hamare sath

    kisi ki aankhen nahin jaengi

    na koi muskurahaT

    na alwida'i bosa

    koi curfew jaisi maut bhi marta hai

    aaj se pahle ye sawal

    kahin paida nahin hua tha

    hum sirf apni aankhon se zinda rah kar

    apne aap ko baaton mein lagae hue hain

    jaane kab ye rabta munqata ho

    aur hum second-hand qabron se

    plastic ke thailon mein muntaqil ho jaen

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY