purani filon mein gungunati sham

Ain Tabish

purani filon mein gungunati sham

Ain Tabish

MORE BYAin Tabish

    ab in bosīda kāġhaz ke pulandoñ

    zarūrat kyā bachī hai

    in lifāfoñ par pate saare

    purāne ho chuke haiñ

    in ko rakhnā kis liye

    be-rañg tahrīroñ meñ Duube

    in ḳhatoñ kyuuñ hifāzat chāhiye

    ye purānī fileñ zaa.e agar ho jaa.eñ

    to nuqsān kyā hai

    haath kyuuñ rukte haiñ

    in kāġhaz ke TukḌoñ ko jalāne meñ

    ab in ma.anaviyat kyā bachī hai

    itne maah o saal ke ba.ad

    is zamāne meñ

    mahak kaisī hai in meñ

    jo ḳhushbū lapaktī hai

    to kyā hai ye rutoñ ḳharḳhasha ab koī rut hogī ki jis ne

    kāġhazoñ par chhoḌ rakkhā hai asar

    barsoñ guzarte haiñ

    nahīñ, kuchh bhī nahīñ yaad aatā hai

    lekin ye mere haath in ko chhūte

    kyuuñ kāñpne lagte haiñ

    pahle bhī to bosīda bahut kāġhaz jalā.e haiñ

    na jaane in purānī filoñ par

    kaun se guzre hue

    lamhoñ ke saa.e haiñ

    ab in bosida kaghaz ke pulandon ki

    zarurat kya bachi hai

    in lifafon par pate sare

    purane ho chuke hain

    in ko rakhna kis liye

    be-rang tahriron mein Dube

    in KHaton ki kyun hifazat chahiye

    ye purani filen zae agar ho jaen

    to nuqsan kya hai

    hath kyun rukte hain

    in kaghaz ke TukDon ko jalane mein

    ab in ki manawiyat kya bachi hai

    itne mah o sal ke baad

    is zamane mein

    mahak kaisi hai in mein

    ya jo KHushbu si lapakti hai

    to kya hai ye ruton ka KHarKHasha ab koi rut hogi ki jis ne

    kaghazon par chhoD rakkha hai asar

    barson guzarte hain

    nahin, kuchh bhi nahin yaad aata hai

    lekin ye mere hath in ko chhute hi

    kyun kanpne lagte hain

    pahle bhi to bosida bahut kaghaz jalae hain

    na jaane in purani filon par

    kaun se guzre hue

    lamhon ke sae hain

    Source :
    • Book : dasht ajab hairanii ka shayar (Pg. 77)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY