qaumi git

ai maañ ai maañ tujh ko salām bhārat-mātā ko parnām

tū to kaisī pyārī maañ hai

sab maaoñ se achchhī maañ hai

laaD uThāne vaalī maañ hai

apnī maañ hai apnī maañ hai

maatā ko parnām ai maañ ai maañ tujh ko salām

terī maañg meñ gañgā jal hai

bharā parā terā āñchal hai

hariyālī hai phuul hai phal hai

terī god sukh-manDal hai

maatā ko parnām ai maañ ai maañ tujh ko salām

sab se ūñche parbat vaalī

sab se baḌh kar shaukat vaalī

sab se bhārī daulat vaalī

izzat vaalī azmat vaalī

maatā ko parnām ai maañ ai maañ tujh ko salām

terī chhātī dharm samundar

jis kī maujeñ masjid mandir

donoñ kī hai guuñj barābar

allāh allāh īshvar īshvar

maatā ko parnām ai maañ ai maañ tujh ko salām

hindū muslim gore kaale

prem kī daarū ke matvāle

sab haiñ terī god ke paale

sab haiñ baat pe marne vaale

maatā ko parnām ai maañ ai maañ tujh ko salām

tere duudh kī sab meñ tāqat

ulfat izzat himmat jur.at

terī duā.eñ fat.h-o-nusrat

tere paañv ke nīche jannat

maatā ko parnām ai maañ ai maañ tujh ko salām

ab to luTere tujh ko lauTeñ

be-bhugte bhugtān na chhūTeñ

haath meñ dhun ho baazū TūTeñ

ghuur ke dekheñ āñkheñ phūTīñ

maatā ko parnām ai maañ ai maañ tujh ko salām

tujh se āshirbād jo paa.eñ

aarzū aise bhī tan jaa.eñ

bijlī ban kar aafat Dhā.eñ

duur huuñ phir to saarī balā.eñ

maatā ko parnām ai maañ ai maañ tujh ko salām

ai maañ ai maañ tujh ko salām bhārat-mātā ko parnām

ai man ai man tujh ko salam bhaarat-mata ko parnam

tu to kaisi pyari man hai

sab maon se achchhi man hai

laD uThane wali man hai

apni man hai apni man hai

mata ko parnam ai man ai man tujh ko salam

teri mang mein ganga jal hai

bhara para tera aanchal hai

hariyali hai phul hai phal hai

teri god sukh-manDal hai

mata ko parnam ai man ai man tujh ko salam

sab se unche parbat wali

sab se baDh kar shaukat wali

sab se bhaari daulat wali

izzat wali azmat wali

mata ko parnam ai man ai man tujh ko salam

teri chhati dharm samundar

jis ki maujen masjid mandir

donon ki hai gunj barabar

allah allah ishwar ishwar

mata ko parnam ai man ai man tujh ko salam

hindu muslim gore kale

prem ki daru ke matwale

sab hain teri god ke pale

sab hain baat pe marne wale

mata ko parnam ai man ai man tujh ko salam

tere dudh ki sab mein taqat

ulfat izzat himmat jurat

teri duaen fath-o-nusrat

tere panw ke niche jannat

mata ko parnam ai man ai man tujh ko salam

ab to luTere tujh ko lauTen

be-bhugte bhugtan na chhuTen

hath mein dhun ho bazu TuTen

ghur ke dekhen aankhen phuTin

mata ko parnam ai man ai man tujh ko salam

tujh se aashirbaad jo paen

aarzu aise bhi tan jaen

bijli ban kar aafat Dhaen

dur hun phir to sari balaen

mata ko parnam ai man ai man tujh ko salam

ai man ai man tujh ko salam bhaarat-mata ko parnam