raat guzarne wali hai

detā hai ḳhabar anjām ki saaqī raat guzarne vaalī hai

aur din kā hai paiġhām ki saaqī raat guzarne vaalī hai

maiñ terī har kal jāntā huuñ kyā kal kal kal kal kartā hai

ab chhoḌ ye kaaf aur laam ki saaqī raat guzarne vaalī hai

advance meñ paise de denā tauhīn-e-rindī o mastī hai

bil bhej ke lenā daam ki saaqī raat guzarne vaalī hai

gar ek hī botal baaqī hai aur piine vaale itne haiñ

kar botal ko nīlām ki saaqī raat guzarne vaalī hai

paisoñ kī to bilkul fikr na kar tanḳhvāh milī aur maiñ ne diye

lā ab to pilā ik jaam ki saaqī raat guzarne vaalī hai

jo bhang pilā.ī thī tū ne us bhang kā nashsha khul na sakā

kuchh misrī aur bādām ki saaqī raat guzarne vaalī hai

suntā huuñ ki bādal uThe haiñ aur ole paḌne vaale haiñ

ab jald bulā hajjām ki saaqī raat guzarne vaalī hai

rindoñ ko ġharaz hai piine se whiskey na sahī Tharrā hī sahī

chal jā.egā yuuñ bhī kaam ki saaqī raat guzarne vaalī hai

tū thoḌī thoḌī sab ko pilā varna tire sar aa jā.egā

kanjūsī kā ilzām ki saaqī raat guzarne vaalī hai

zāhid ko pilā vaa.iz ko pilā mullā ko pilā muftī ko pilā

sab likh le hamāre naam ki saaqī raat guzarne vaalī hai

deta hai KHabar anjam ki saqi raat guzarne wali hai

aur din ka hai paigham ki saqi raat guzarne wali hai

main teri har kal jaanta hun kya kal kal kal kal karta hai

ab chhoD ye kaf aur lam ki saqi raat guzarne wali hai

adwance mein paise de dena tauhin-e-rindi o masti hai

bil bhej ke lena dam ki saqi raat guzarne wali hai

gar ek hi botal baqi hai aur pine wale itne hain

kar botal ko nilam ki saqi raat guzarne wali hai

paison ki to bilkul fikr na kar tanKHwah mili aur main ne diye

la ab to pila ek jam ki saqi raat guzarne wali hai

jo bhang pilai thi tu ne us bhang ka nashsha khul na saka

kuchh misri aur baadam ki saqi raat guzarne wali hai

sunta hun ki baadal uThe hain aur ole paDne wale hain

ab jald bula hajjam ki saqi raat guzarne wali hai

rindon ko gharaz hai pine se whiskey na sahi Tharra hi sahi

chal jaega yun bhi kaam ki saqi raat guzarne wali hai

tu thoDi thoDi sab ko pila warna tere sar aa jaega

kanjusi ka ilzam ki saqi raat guzarne wali hai

zahid ko pila waiz ko pila mulla ko pila mufti ko pila

sab likh le hamare nam ki saqi raat guzarne wali hai