رات کئی دنوں سے غائب تھی
رات کئی دنوں سے غائب تھی
سخت کہرے کی دبیز ساعتوں میں
حلق میں
رم کی ایک پوری بوتل جھونک کے
سارجنٹ
رات کی وجلینس پہ نکلا
رات کئی راتوں سے غائب تھی
لوٹا آٹھ گھنٹے کے بعد
خالی ہاتھ مضمحل نڈھال سا
اپنے گھر
دیکھا رات بے لباس
اس کے سامنے
پلنگ پر پڑی ہوئی تھی
گاڑ رہا تھا سورج
اپنا نیزہ
اس کے خفیہ قفل میں
بیڈ روم کی کھڑکی کے ایک شیشے پر
پانی کی ایک بے ربط لکیر
دھیرے دھیرے گر رہی تھی
اس کے خالی ہاتھوں سے ہوتے ہوئے
اس کی پینٹ کے اگلے حصے میں
اڑے ہوئے قلم کے پاس
سخت دبیز کہرے کی ساعتوں میں
حلق میں
رم کی ایک پوری بوتل جھونک کے
سارجنٹ
رات کی وجلینس پہ نکلا
رات کئی دنوں سے غائب تھی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
