aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

rad

MORE BYAtif tauqeer

    ai vādī-e-ḳhushk-o-sabz parbat

    apnī ḳhushbū se Dar rahī hai

    tire sahīfa-numā badan par

    ye kaisī aayat utar rahī hai

    tire fusūñ-nāk rāstoñ par

    ghanerī rut masāfateñ haiñ

    fazā.eñ pahroñ meñ baT chukī haiñ

    havāoñ tak meñ adāvateñ haiñ

    sukūt-e-zindāñ putliyoñ par

    nigāh-e-tīra-nazar dukh hai

    har ek rauzan se aatā jaatā

    idhar dukh hai udhar dukh hai

    farishtgān-e-vahī ke hāthoñ

    se saare alfāz gir chuke haiñ

    qalandarān-e-rivāyat-e-rad

    ḳhud apne diiñ se phir chuke haiñ

    baġhāvatoñ ke alam pe kanda

    itā.atoñ nishān-e-vāqif

    usuul gāhoñ ke mimbaroñ par

    sharā.it-e-hukm-o-shaiḳh-o-munsif

    tire tanaffus ke pesh-o-pas par

    laboñ laġhzish gavāh jaise

    tirī jabīñ par ugī lakīreñ

    saf-e-shikasta sipāh jaise

    so ab faqat din guzar rahe haiñ

    sadā-e-zanjīr-e-mustaqil se

    na raunaq-e-nau na dhuup lau

    utar ga.ī jaan jaise dil se

    sharāb āñkhoñ se ugtā jharnā

    bhaTak ke rasta ban rahā hai

    baḌhā ta.addud surūr-o-mai

    junūn dastak ko jan rahā hai

    ai vādī-e-ḳhushk-o-sabz parbat

    apnī ḳhushbū se Dar rahī hai

    tire sahīfa-numā badan par

    ye kaisī aayat utar rahī hai

    ai wadi-e-KHushk-o-sabz parbat

    tu apni KHushbu se Dar rahi hai

    tere sahifa-numa badan par

    ye kaisi aayat utar rahi hai

    tere fusun-nak raston par

    ghaneri rut ki masafaten hain

    fazaen pahron mein baT chuki hain

    hawaon tak mein adawaten hain

    sukut-e-zindan ki putliyon par

    nigah-e-tira-nazar ka dukh hai

    har ek rauzan se aata jata

    idhar ka dukh hai udhar ka dukh hai

    farishtgan-e-wahi ke hathon

    se sare alfaz gir chuke hain

    qalandaran-e-riwayat-e-rad

    KHud apne din se hi phir chuke hain

    baghawaton ke alam pe kanda

    itaaton ka nishan-e-waqif

    usul gahon ke mimbaron par

    sharait-e-hukm-o-shaiKH-o-munsif

    tere tanaffus ke pesh-o-pas par

    labon ki laghzish gawah jaise

    teri jabin par ugi lakiren

    saf-e-shikasta sipah jaise

    so ab faqat din guzar rahe hain

    sada-e-zanjir-e-mustaqil se

    na raunaq-e-nau na dhup ki lau

    utar gai jaan jaise dil se

    sharab aankhon se ugta jharna

    bhaTak ke rasta sa ban raha hai

    baDha taddud surur-o-mai ka

    junun dastak ko jan raha hai

    ai wadi-e-KHushk-o-sabz parbat

    tu apni KHushbu se Dar rahi hai

    tere sahifa-numa badan par

    ye kaisi aayat utar rahi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now