raqs

naach haañ naach ki har shorish-o-hañgāma par

phail jaa.e tirī jhan-jhan kā hasīñ pairāhan

naach haañ naach ki siine meñ tire

ek motī kī tarah raaz zamāne kā simaT kar rah jaa.e

bāzuoñ ko kabhī hone de darāz

jam.a karne de ḳhad-o-ḳhāl kabhī apnī hasīñ āñkhoñ ko

farsh-e-āvāz pe rakh apne pur-asrār qadam

aur chamakte hue sañgīt kā jaadū pī jā

naach sad-nashsha-o-shādābī se

nāchtī jā isī mastī meñ ki tū ek kañval ban jaa.e

aur tujh ko kisī tālāb ke siine meñ utaar aa.eñ ham

bhuut aa kar tirī rañgat meñ baserā kar leñ

aur ham

būḌhe daraḳhtoñ kī kuhan-sāl laTaktī huī shāḳhoñ

se lipaT kar ro.eñ

sāl-hā-sāl lipaT kar ro.eñ

nach han nach ki har shorish-o-hangama par

phail jae teri jhan-jhan ka hasin pairahan

nach han nach ki sine mein tere

ek moti ki tarah raaz zamane ka simaT kar rah jae

bazuon ko kabhi hone de daraaz

jama karne de KHad-o-KHal kabhi apni hasin aankhon ko

farsh-e-awaz pe rakh apne pur-asrar qadam

aur chamakte hue sangit ka jadu pi ja

nach sad-nashsha-o-shadabi se

nachti ja isi masti mein ki tu ek kanwal ban jae

aur tujh ko kisi talab ke sine mein utar aaen hum

bhut aa kar teri rangat mein basera kar len

aur hum

buDhe daraKHton ki kuhan-sal laTakti hui shaKHon

se lipaT kar roen

sal-ha-sal lipaT kar roen