aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zarurat-e-ittihad

Ahmaq Phaphoondvi

zarurat-e-ittihad

Ahmaq Phaphoondvi

MORE BYAhmaq Phaphoondvi

    ḳhudā hind par karam farmā

    is taklīf kal-adam farmā

    haiñ pareshāñ bahut havās is ke

    nahīñ hamdard koī paas is ke

    faqr-o-fāqa se pā.emāl hai ab

    qarz meñ is baal baal hai ab

    na san.at na ab tijārat hai

    saarī āsūdgī vo ġhārat hai

    ilm-o-fan se hai is ghar ḳhālī

    aql o idrāk se hai sar ḳhālī

    achchhe atvār miT ga.e is ke

    nek kirdār miT ga.e is ke

    ḳhulq hai ab na mehr-o-ulfat hai

    ātishī hai na ab uḳhuvvat hai

    rañg bilkul hai mulk badlā

    saarā paanī hai chaah gadlā

    har taraf jahl hai laḌā.ī hai

    dushman aapas meñ bhaa.ī bhaa.ī hai

    na mohabbat hai ab na hamdardī

    na dilerī na ab javāñ-mardī

    na ravā-dārī o sharāfat hai

    na ab amn-o-amān o rāhat hai

    har taraf hai fasād hañgāma

    koī rustam hai aur koī gaamā

    ab kahāñ sulh-o-ḳhair bāteñ

    jab haiñ kānoñ meñ ġhair bāteñ

    john-bill haiñ sāzisheñ jaarī

    mulk par haiñ navāzisheñ jaarī

    ek se hai kabhī shanāsā.ī

    dūsre ke liye kabhī saa.ī

    kabhī in ko laḌā diyā sab se

    kabhī un ko bhiḌā diyā sab se

    kabhī in ko police o thāna hai

    aur kabhī un ko jail-ḳhāna hai

    yahī manzar yahāñ hai shām-o-sahar

    bas yahī ho rahā hai aaTh pahar

    jāntā hai har ik ye sab bāteñ

    phir bhī ḳhālī nahīñ havālāteñ

    vahī jañg-o-jadal vahī jhagḌe

    vahī buġhz-o-enād ke ragḌe

    ḳhudā de hameñ vo aql-e-salīm

    ki samajh ham sakeñ har ik scheme

    paḌ sake phir na koī zad ham par

    khul sakeñ saare nek-o-bad ham par

    ḳhatm kar deñ ye tafraqa-sāzī

    aag meñ jhoñk deñ tabar-yāzī

    sab kareñ mil ke mulk ḳhidmat

    duur ho is usrat-o-nakbat

    hikmat o fan vatan meñ phailā.eñ

    shāhrāheñ masal khul jaa.eñ

    ilm o science mulk meñ bhar deñ

    is zamīñ ko ham āsmāñ kar deñ

    ham pe khul jaa.eñ sab vo aql ke raaz

    ho is europe ke turra-e-e.azāz

    san.atoñ ho garm-bāzārī

    gaañv gaañv meñ hoñ mileñ jaarī

    rail, motor, jahāz, tayyāre

    ḳhud ye tayār ham kareñ saare

    kabhī sahrā ho mustaqar apnā

    ho kabhī Tāpūoñ meñ ghar apnā

    manchester pe ḳhaak Dāleñge

    ghar se jāpān ko nikāleñ ham

    na raheñ ham kisī ke bhī muhtāj

    mulk apnā ho aur apnā raaj

    ham meñ gar ittihād ho jaa.e

    mulk ābād shaad ho jaa.e

    ya KHuda hind par karam farma

    is ki taklif kal-adam farma

    hain pareshan bahut hawas is ke

    nahin hamdard koi pas is ke

    faqr-o-faqa se paemal hai ab

    qarz mein is ka baal baal hai ab

    na hi sanat na ab tijarat hai

    sari aasudgi wo ghaarat hai

    ilm-o-fan se hai is ka ghar KHali

    aql o idrak se hai sar KHali

    achchhe atwar miT gae is ke

    nek kirdar miT gae is ke

    KHulq hai ab na mehr-o-ulfat hai

    aatishi hai na ab uKHuwwat hai

    rang bilkul hai mulk ka badla

    sara pani hai chah ka gadla

    har taraf jahl hai laDai hai

    dushman aapas mein bhai bhai hai

    na mohabbat hai ab na hamdardi

    na dileri na ab jawan-mardi

    na rawa-dari o sharafat hai

    na ab amn-o-aman o rahat hai

    har taraf hai fasad hangama

    koi rustam hai aur koi gama

    ab kahan sulh-o-KHair ki baaten

    jab hain kanon mein ghair ki baaten

    john-bill ki hain sazishen jari

    mulk par hain nawazishen jari

    ek se hai kabhi shanasai

    dusre ke liye kabhi sai

    kabhi in ko laDa diya sab se

    kabhi un ko bhiDa diya sab se

    kabhi in ko police o thana hai

    aur kabhi un ko jail-KHana hai

    yahi manzar yahan hai sham-o-sahar

    bas yahi ho raha hai aaTh pahar

    jaanta hai har ek ye sab baaten

    phir bhi KHali nahin hawalaten

    wahi jang-o-jadal wahi jhagDe

    wahi bughz-o-enad ke ragDe

    ya KHuda de hamein wo aql-e-salim

    ki samajh hum saken har ek scheme

    paD sake phir na koi zad hum par

    khul saken sare nek-o-bad hum par

    KHatm kar den ye tafraqa-sazi

    aag mein jhonk den tabar-yazi

    sab karen mil ke mulk ki KHidmat

    dur ho is ki usrat-o-nakbat

    hikmat o fan watan mein phailaen

    shahrahen masal ki khul jaen

    ilm o science mulk mein bhar den

    is zamin ko hum aasman kar den

    hum pe khul jaen sab wo aql ke raaz

    ho is ka europe ke turra-e-eazaz

    sanaton ki ho garm-bazari

    ganw ganw mein hon milen jari

    rail, motor, jahaz, tayyare

    KHud ye tayar hum karen sare

    kabhi sahra ho mustaqar apna

    ho kabhi Tapuon mein ghar apna

    manchester pe KHak Dalenge

    ghar se japan ko nikalen hum

    na rahen hum kisi ke bhi muhtaj

    mulk apna ho aur apna raj

    hum mein gar ittihad ho jae

    mulk aabaad shad ho jae

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now