aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tarana-e-watan

kanval Dibaivi

tarana-e-watan

kanval Dibaivi

MORE BYkanval Dibaivi

    rashk-e-firdaus hai terā rañgīñ chaman

    tujh pe gul-bāsh karte haiñ koh-o-daman

    tere māthe rekhā haiñ gañg-o-jaman

    terī miTTī meñ ḳhvābīda haiñ fikr-o-fan

    faḳhr-e-yūnān thī terī bazm-e-kuhan

    mere hindustāñ mere pyāre vatan

    devtāoñ rishiyoñ ye sarzamīñ

    zarra zarra tirī ḳhaak hai hasīñ

    chūmtā hai qamar roz terī jabīñ

    tere jalve na hoñ kis liye dil-nashīñ

    tere zarre meñ ḳhurshīd hai kiran

    mere hindustāñ mere pyāre vatan

    tere qadmoñ zīnat hai godāvarī

    hai himāla parbat tirā santarī

    hai haqīqat meñ kashmīr jannat tirī

    zarre zarre meñ tere hai ik zindagī

    desh shaan hai taaj bāñkpan

    mere hindustāñ mere pyāre vatan

    kis balā kashish tere ḳhāroñ meñ hai

    auj firdaus pinhāñ bahāroñ meñ hai

    ik nayā bāñkpan kohsāroñ meñ hai

    dilkashī kis qadar chāñd tāroñ meñ hai

    hai zamāne se a.alā tirī anjuman

    mere hindustāñ mere pyāre vatan

    merā mandir hai merā ka.aba hai

    merā maljā hai merā maavā hai

    merī uqbā hai merī duniyā hai

    merā hai sāz-e-dil merā naġhma hai

    merī har saañs tere liye naġhma-zan

    mere hindustāñ mere pyāre vatan

    sab ko ulfat ke markaz pe lā.ūñgā maiñ

    ektā diyā phir jalā.ūñgā maiñ

    apne hāthoñ vatan ko sajā.ūñgā maiñ

    prem ke giit har vaqt gā.uñgā maiñ

    is tarah banā.ūñgā maiñ sañgThan

    mere hindustāñ mere pyāre vatan

    ḳhuun se apne dūñgā tujhe zindagī

    tere phūloñ ko dūñgā nirālī ḳhushī

    zarre zarre ko baḳhshuñgā maiñ raushnī

    sab ko aisī sunā.ūñgā maiñ rāgnī

    shāñtī bahā.ūñgā gañg-o-jaman

    mere hindustāñ mere pyāre vatan

    rashk-e-firdaus hai tera rangin chaman

    tujh pe gul-bash karte hain koh-o-daman

    tere mathe ki rekha hain gang-o-jaman

    teri miTTi mein KHwabida hain fikr-o-fan

    faKHr-e-yunan thi teri bazm-e-kuhan

    mere hindustan mere pyare watan

    dewtaon ki rishiyon ki ye sarzamin

    zarra zarra teri KHak ka hai hasin

    chumta hai qamar roz teri jabin

    tere jalwe na hon kis liye dil-nashin

    tere zarre mein KHurshid ki hai kiran

    mere hindustan mere pyare watan

    tere qadmon ki zinat hai godawari

    hai himala ka parbat tera santari

    hai haqiqat mein kashmir jannat teri

    zarre zarre mein tere hai ek zindagi

    desh ki shan hai taj ka bankpan

    mere hindustan mere pyare watan

    kis bala ki kashish tere KHaron mein hai

    auj firdaus pinhan bahaaron mein hai

    ek naya bankpan kohsaron mein hai

    dilkashi kis qadar chand taron mein hai

    hai zamane se aala teri anjuman

    mere hindustan mere pyare watan

    mera mandir hai tu mera kaba hai tu

    mera malja hai tu mera mawa hai tu

    meri uqba hai tu meri duniya hai tu

    mera hai saz-e-dil mera naghma hai tu

    meri har sans tere liye naghma-zan

    mere hindustan mere pyare watan

    sab ko ulfat ke markaz pe launga main

    ekta ka diya phir jalaunga main

    apne hathon watan ko sajaunga main

    prem ke git har waqt gaunga main

    is tarah ka banaunga main sangThan

    mere hindustan mere pyare watan

    KHun se apne dunga tujhe zindagi

    tere phulon ko dunga nirali KHushi

    zarre zarre ko baKHshunga main raushni

    sab ko aisi sunaunga main ragni

    shanti ki bahaunga gang-o-jaman

    mere hindustan mere pyare watan

    Source:

    Mizraab (Kulliyat) (Pg. 65)

    • Author: Prof. Ibne Kanwal
      • Edition: 2010
      • Publisher: Kitabi Duniya, Delhi
      • Year of Publication: 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now