sab maya hai

Ibn e Insha

sab maya hai

Ibn e Insha

MORE BY Ibn e Insha

    sab maayā hai, sab Dhaltī phirtī chhāyā hai

    is ishq meñ ham ne jo khoyā jo paayā hai

    jo tum ne kahā hai, 'faiz' ne jo farmāyā hai

    sab maayā hai

    haañ gaahe gaahe diid daulat haath aa.ī

    ek vo lazzat naam hai jis rusvā.ī

    bas is ke sivā to jo bhī savāb kamāyā hai

    sab maayā hai

    ik naam to baaqī rahtā hai, gar jaan nahīñ

    jab dekh liyā is saude meñ nuqsān nahīñ

    tab sham.a pe dene jaan patiñgā aayā hai

    sab maayā hai

    ma.alūm hameñ sab qais miyāñ qissa bhī

    sab ek se haiñ, ye rāñjhā bhī ye 'inshā' bhī

    farhād bhī jo ik nahr khod ke laayā hai

    sab maayā hai

    kyuuñ dard ke naame likhte likhte raat karo

    jis saat samundar paar naar baat karo

    us naar se koī ek ne dhokā khāyā hai?

    sabab maayā hai

    jis gorī par ham ek ġhazal har shaam likheñ

    tum jānte ho ham kyūñkar us naam likheñ

    dil us bhī chaukhaT chuum ke vāpas aayā hai

    sab maayā hai

    vo laḌkī bhī jo chāñd-nagar raanī thī

    vo jis alhaḌ āñkhoñ meñ hairānī thī

    aaj us ne bhī paiġhām yahī bhijvāyā hai

    sab maayā hai

    jo log abhī tak naam vafā lete haiñ

    vo jaan ke dhoke khāte, dhoke dete haiñ

    haañ Thok-bajā kar ham ne hukm lagāyā hai

    sab maayā hai

    jab dekh liyā har shaḳhs yahāñ harjā.ī hai

    is shahr se duur ik kuTiyā ham ne banā.ī hai

    aur us kuTiyā ke māthe par likhvāyā hai

    sab maayā hai

    sab maya hai, sab Dhalti phirti chhaya hai

    is ishq mein hum ne jo khoya jo paya hai

    jo tum ne kaha hai, 'faiz' ne jo farmaya hai

    sab maya hai

    han gahe gahe did ki daulat hath aai

    ya ek wo lazzat nam hai jis ka ruswai

    bas is ke siwa to jo bhi sawab kamaya hai

    sab maya hai

    ek nam to baqi rahta hai, gar jaan nahin

    jab dekh liya is saude mein nuqsan nahin

    tab shama pe dene jaan patinga aaya hai

    sab maya hai

    malum hamein sab qais miyan ka qissa bhi

    sab ek se hain, ye ranjha bhi ye 'insha' bhi

    farhad bhi jo ek nahr si khod ke laya hai

    sab maya hai

    kyun dard ke name likhte likhte raat karo

    jis sat samundar par ki nar ki baat karo

    us nar se koi ek ne dhoka khaya hai?

    sabab maya hai

    jis gori par hum ek ghazal har sham likhen

    tum jaante ho hum kyunkar us ka nam likhen

    dil us ki bhi chaukhaT chum ke wapas aaya hai

    sab maya hai

    wo laDki bhi jo chand-nagar ki rani thi

    wo jis ki alhaD aankhon mein hairani thi

    aaj us ne bhi paigham yahi bhijwaya hai

    sab maya hai

    jo log abhi tak nam wafa ka lete hain

    wo jaan ke dhoke khate, dhoke dete hain

    han Thok-baja kar hum ne hukm lagaya hai

    sab maya hai

    jab dekh liya har shaKHs yahan harjai hai

    is shahr se dur ek kuTiya hum ne banai hai

    aur us kuTiya ke mathe par likhwaya hai

    sab maya hai

    Source:

    • Book: Is Basti ke ik Kooche Men (Pg. 49)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites