jashn-e-ghaalib

Sahir Ludhianvi

jashn-e-ghaalib

Sahir Ludhianvi

MORE BY Sahir Ludhianvi

    INTERESTING FACT

    Sahir Ludhianvi composed this poem on Ghalib’s centenary celebrations. Sahir laments the way Urdu was treated by Indian nation-state as it became alien overnight.

    ikkīs baras guzre āzādi-e-kāmil ko

    tab ke kahīñ ham ko 'ġhālib' ḳhayāl aayā

    turbat hai kahāñ us maskan thā kahāñ us

    ab apne suḳhan-parvar zehnoñ meñ savāl aayā

    sau saal se jo turbat chādar ko tarastī thī

    ab us pe aqīdat ke phūloñ numā.ish hai

    urdu ke ta.alluq se kuchh bhed nahīñ khultā

    ye jashn ye hañgāma ḳhidmat hai ki sāzish hai

    jin shahroñ meñ gūñjī thī ġhālib navā barsoñ

    un shahroñ meñ ab urdu benām-o-nishāñ Thahrī

    āzādi-e-kāmil elaan huā jis din

    ma.atūb zabāñ Thahrī ġhaddār zabāñ Thahrī

    jis ahd-e-siyāsat ne ye zinda zabāñ kuchlī

    us ahd-e-siyāsat ko marhūm ġham kyuuñ hai

    'ġhālib' jise kahte haiñ urdu shā.ir thā

    urdu pe sitam Dhā kar 'ġhālib' pe karam kyuuñ hai

    ye jashn ye hañgāme dilchasp khilaune haiñ

    kuchh logoñ koshish hai kuchh log bahal jaa.eñ

    jo vāda-e-fardā par ab Tal nahīñ sakte haiñ

    mumkin hai ki kuchh arsa is jashn pe Tal jaa.eñ

    ye jashn mubārak ho par ye bhī sadāqat hai

    ham log haqīqat ke ehsās se aarī haiñ

    'gāñdhī' ho ki 'ġhālib' ho insāf nazroñ meñ

    ham donoñ ke qātil haiñ donoñ ke pujārī haiñ

    ikkis baras guzre aazadi-e-kaamil ko

    tab ja ke kahin hum ko 'ghaalib' ka KHayal aaya

    turbat hai kahan us ki maskan tha kahan us ka

    ab apne suKHan-parwar zehnon mein sawal aaya

    sau sal se jo turbat chadar ko tarasti thi

    ab us pe aqidat ke phulon ki numaish hai

    urdu ke talluq se kuchh bhed nahin khulta

    ye jashn ye hangama KHidmat hai ki sazish hai

    jin shahron mein gunji thi ghaalib ki nawa barson

    un shahron mein ab urdu benam-o-nishan Thahri

    aazadi-e-kaamil ka elan hua jis din

    matub zaban Thahri ghaddar zaban Thahri

    jis ahd-e-siyasat ne ye zinda zaban kuchli

    us ahd-e-siyasat ko marhum ka gham kyun hai

    'ghaalib' jise kahte hain urdu hi ka shair tha

    urdu pe sitam Dha kar 'ghaalib' pe karam kyun hai

    ye jashn ye hangame dilchasp khilaune hain

    kuchh logon ki koshish hai kuchh log bahal jaen

    jo wada-e-farda par ab Tal nahin sakte hain

    mumkin hai ki kuchh arsa is jashn pe Tal jaen

    ye jashn mubarak ho par ye bhi sadaqat hai

    hum log haqiqat ke ehsas se aari hain

    'gandhi' ho ki 'ghaalib' ho insaf ki nazron mein

    hum donon ke qatil hain donon ke pujari hain

    RECITATIONS

    Nomaan Shauque

    Nomaan Shauque

    Nomaan Shauque

    Jashn e ghalib - Sahir Ludhianvi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY