paigham eid

Hafeez Banarasi

paigham eid

Hafeez Banarasi

MORE BYHafeez Banarasi

    apnī āñkhoñ meñ ḳhamistān-e-mai-e-nāb liye

    apne aariz pe bahār-e-gul-e-shādāb liye

    apne māthe pe daraḳhshānī-e-mahtāb liye

    nik.hat-o-rañg liye nuur sailāb liye

    eid aa.ī hai mohabbat nayā baab liye

    zulf bikhrī hai ki rahmat ghaTā chhā.ī hai

    jis taraf dekhiye ra.anā.ī ra.anā.ī hai

    rahguzar kāhkashāñ ban ke nikhar aa.ī hai

    zarra zarra hai jamāl-e-dur-e-ḳhush-āb liye

    eid aa.ī hai mohabbat nayā baab liye

    ḳhārzāroñ pe gulistāñ gumāñ hai imroz

    shikva-e-jaur kisī lab pe kahāñ hai imroz

    multafit chashm-e-hasīnān-e-jahāñ hai imroz

    kitne taslīm liye kitne ādāb liye

    eid aa.ī hai mohabbat nayā baab liye

    kis qadar rahmat-e-sāqī-e-azal aam hai aaj

    raqs-e-paimāna liye gardish-e-ayyām hai aaj

    bāda-e-kaif se labrez har ik jaam hai aaj

    ishrat-e-rūh o sukūn-e-dil-e-betāb liye

    eid aa.ī hai mohabbat nayā baab liye

    dosh-e-gītī pe pareshāñ huī phir zulf-e-shamīm

    laḌkhaḌātī huī phirtī hai gulistāñ meñ nasīm

    phir zamīñ ban ga.ī ġhairat-dah-e-gulzār-e-na.īm

    ḳhaak hai taḳhta-e-gul bistar-e-sanjāb liye

    eid aa.ī hai mohabbat nayā baab liye

    zindagī rañj-o-alam bhuul ga.ī hai ai dost

    mahfil-e-zīst ba-sad-shauq sajī hai ai dost

    ishq begāna-e-āshufta-sarī hai ai dost

    husn hai pairahan-e-atlas-o-kamḳhvāb liye

    eid aa.ī hai mohabbat nayā baab liye

    dard-e-hastī davā kar leñ ḳhulūs-e-dil se

    aao ik farz adā kar leñ ḳhulūs-e-dil se

    aao tajdīd-e-vafā kar leñ ḳhulūs-e-dil se

    jazba-o-shauq-e-ham-āhañgī-e-ahbāb liye

    eid aa.ī hai mohabbat nayā baab liye

    apni aankhon mein KHamistan-e-mai-e-nab liye

    apne aariz pe bahaar-e-gul-e-shadab liye

    apne mathe pe daraKHshani-e-mahtab liye

    nikhat-o-rang liye nur ka sailab liye

    eid aai hai mohabbat ka naya bab liye

    zulf bikhri hai ki rahmat ki ghaTa chhai hai

    jis taraf dekhiye ranai hi ranai hai

    rahguzar kahkashan ban ke nikhar aai hai

    zarra zarra hai jamal-e-dur-e-KHush-ab liye

    eid aai hai mohabbat ka naya bab liye

    KHarzaron pe gulistan ka guman hai imroz

    shikwa-e-jaur kisi lab pe kahan hai imroz

    multafit chashm-e-hasinan-e-jahan hai imroz

    kitne taslim liye kitne hi aadab liye

    eid aai hai mohabbat ka naya bab liye

    kis qadar rahmat-e-saqi-e-azal aam hai aaj

    raqs-e-paimana liye gardish-e-ayyam hai aaj

    baada-e-kaif se labrez har ek jam hai aaj

    ishrat-e-ruh o sukun-e-dil-e-betab liye

    eid aai hai mohabbat ka naya bab liye

    dosh-e-giti pe pareshan hui phir zulf-e-shamim

    laDkhaDati hui phirti hai gulistan mein nasim

    phir zamin ban gai ghairat-dah-e-gulzar-e-naim

    KHak hai taKHta-e-gul bistar-e-sanjab liye

    eid aai hai mohabbat ka naya bab liye

    zindagi ranj-o-alam bhul gai hai ai dost

    mahfil-e-zist ba-sad-shauq saji hai ai dost

    ishq begana-e-ashufta-sari hai ai dost

    husn hai pairahan-e-atlas-o-kamKHwab liye

    eid aai hai mohabbat ka naya bab liye

    dard-e-hasti ki dawa kar len KHulus-e-dil se

    aao ek farz ada kar len KHulus-e-dil se

    aao tajdid-e-wafa kar len KHulus-e-dil se

    jazba-o-shauq-e-ham-ahangi-e-ahbab liye

    eid aai hai mohabbat ka naya bab liye

    Source :
    • Book : Kulliyat-e-Safeer-e-Shahr-e-Dil (Pg. 138)
    • Author : Hafeez Banars
    • Publication : Educational Publishing House (2007)
    • Edition : 2007

    Tagged Under :

    Eid
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY