aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

شفق

MORE BYثاقب کانپوری

    اے شفق اے زیور آرائش چرخ بریں

    تجھ میں وہ شوخی ہے جو خون شہیداں میں نہیں

    تیری ہر ہر موج میں ہے لالۂ احمر کا رنگ

    عقل انسانی ہے جس کو دیکھ کر حیرت سے دنگ

    تو نے کھولا میکدہ اہل فلک کے واسطے

    مست ان کو کر دیا اپنی شراب سرخ سے

    تیرا یہ رنگین منظر اک طلسم خواب ہے

    تیری یہ شوخی ہے یا اک موجۂ بیتاب ہے

    سچ بتا دے کون ہے جس کا ہے تجھ میں انعکاس

    اے شفق کرتی ہے کس کے نور سے تو اقتباس

    ہے کسی شاعر کا خون دل ترے رخسار پر

    ایک دھیمی روشنی ہے ہر در و دیوار پر

    دہر کی ہر شے ترے پرتو سے رنگیں ہو گئی

    شورش ہستی ترے دامن میں آ کر سو گئی

    جی میں آتا ہے کہ میں کہہ دوں تجھے رنگ شباب

    دل نشیں تجھ کو بتا دوں یا کوئی ہستی کا خواب

    یا کہ دوشیزہ ہے اک مست مئے حسن بہار

    سرخ آنچل جس کا اڑتا ہے فضا میں بار بار

    یا تبسم ہے کسی کے چہرۂ زیبا کا تو

    یا کہ نقش اولیں ہے حسن بے پروا کا تو

    تیری سرخی میں نہاں ہے کچھ شراب زندگی

    تیری تہ میں غرق ہے موج شباب زندگی

    کاش تو ثاقبؔ کو بھی اپنا بنا لے راز دار

    جستجوئے راز میں مدت سے ہے وہ بے قرار

    مأخذ:

    (Pg. 76)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے