shafaq

ho ga.ī shaam aur sūraj Duubā

pachchhim meñ hai aag kā golā

rang shafaq se aisā barsā

surḳh hue jangal aur dariyā

rang tirā hai shaam kā dāman

phuul banā hai shaam kā dāman

vaah shafaq kyā rang bharī hai

surḳh parī hai surḳh parī hai

shaam kī godī meñ baiThī hai

laal chañdariyā oḌh rahī hai

is ko apne paas bulā luuñ

apnī sahelī us ko banā luuñ

aa merī rangīn shafaq aa

aa jā merī god meñ aa jā

rang tirā hai kitnā pyārā

jaise ho ammāñ kā dupaTTa

ai malika ai shaam kī beTī

rangoñ kī tū hai shahzādī

tub meñ paanī ḳhuub bharā hai

abbā ne ye bharvāyā hai

is meñ terā rath utrā hai

chāñd tirā rath khīñch rahā hai

rok le rath ko aur utar aa

aaj sahelī merī ban jā

ho gai sham aur suraj Duba

pachchhim mein hai aag ka gola

rang shafaq se aisa barsa

surKH hue jangal aur dariya

rang tera hai sham ka daman

phul bana hai sham ka daman

wah shafaq kya rang bhari hai

surKH pari hai surKH pari hai

sham ki godi mein baiThi hai

lal chandariya oDh rahi hai

is ko apne pas bula lun

apni saheli us ko bana lun

aa meri rangin shafaq aa

aa ja meri god mein aa ja

rang tera hai kitna pyara

jaise ho amman ka dupaTTa

ai malika ai sham ki beTi

rangon ki tu hai shahzadi

tub mein pani KHub bhara hai

abba ne ye bharwaya hai

is mein tera rath utra hai

chand tera rath khinch raha hai

rok le rath ko aur utar aa

aaj saheli meri ban ja