sher aur KHargosh

Gulzar

sher aur KHargosh

Gulzar

MORE BY Gulzar

    bahut baḌe ek jañgal meñ ik baar

    bahut baḌā ek sher thā

    bahut baḌī us moñchheñ bhī thiiñ

    bahut baḌī pūñchh us sher

    kabhī pūñchh uupar uThātā thā jab

    to panchhī bhī peḌoñ pe Dar jaate the

    nikaltā thā jab ġhaar se aur ġhurrātā thā

    to jañgal meñ sab Dar ke chhup jaate the

    bahut sahme sahme se rahte the sab

    kabhī koī gīdaḌ kabhī lomḌī

    kabhī niil gaay kabhī koī suar

    kabhī ek do aur kabhī tiin tiin

    jahāñ bhī mile jis qadar bhī shikār

    vo jañgal raajā thā khā jaatā thā

    koī bhī amn se na paatā thā

    bahut soch kar sab ke sab ek din

    sabhā meñ mile aur kiye faisle

    agar sher bāhar na aayā kare

    to har roz parchī nikālā kareñ

    ki har roz bas ek jānvar

    ḳhud sher ke ġhaar meñ bhej kar

    chain se sakeñ

    magar sher se ye kaise kaheñ

    sabhā ke sabhī soch meñ paḌ ga.e

    bahut der ba.ad

    baḌe piir bakre bole ki maiñ

    merī umr to yuuñ baaqī hai kam

    mujhe khaa.e jaatā hai bachchoñ ġham

    agar sher ne khā liyā bhī to kyā

    sunāyā baḌe piir ne ke jañgal ye faisla

    sher sun ke pahle to chauñke zarā

    magar ġhaur se sochā jab mo.āmla

    to samjhe chalo apnī mehnat bachī

    ye jañgal bhī apnā hai raajā bhī ham

    hameñ to hogā na parjā ġham

    zabāñ pher kar ḳhushk hoñToñ pe bole

    ḳhabar kar jā.egī jantā ko kal

    magar aaj ke din halūm halūm

    aaj to aap merī ḳhurāk ho

    kahā aur bas khā gayā būḌhe bakre ko sher

    din guzarte ga.e

    log ghaTte ga.e mahīne ga.e

    yuuñ roz ḳhurāk jaatī rahī sher ke ġhaar tak

    ki ik din nikal aa.ī baarī jo ḳhargosh

    vo ghabrā gayā

    chalā dhīme dhīme se kachhve chaal

    pahuñchte pahuñchte use ġhaar tak shaam hone lagī

    use dekh kar sher bhannā gayā

    chhaTañkī barābar ye ḳhurāk bhejī hai jañgal ne

    aur is qadar der se

    miTā dūñgā ḳhargosh zaat ko

    maiñ jañgal jañgal khā jā.ūñgā

    sunā aur ḳhargosh rone lagā

    giḌgiḌāne lagā

    huzūr is meñ merī nahīñ hai ḳhatā

    na jañgal sabhā koī dosh hai

    ki jañgal ne to saat ḳhargosh bheje magar

    magar kyā

    magar sir

    magar kyā kyuuñ haklā rahe ho batāo mujhe

    magar magar magar sir

    kahāñ haiñ tumhāre chhe ġhaddār sāthī

    vo ḳhargosh phir se sisakne lagā

    hameñ rāste meñ huzūr ek

    zālim ne rokā thā

    aur bahut gāliyāñ aap ko diiñ

    kahā maiñ dohrā.ūñ kaise vo sab kuchh huzūr

    kahā jaao kah do mire sāthiyoñ ko vahī khā gayā

    ye sunñā thā ki sher ġhurrāyā moñchhoñ meñ bal aa ga.e

    akaḌne lagī us hunTerī pūñchh

    aur āñkhoñ meñ bas ḳhuun utarne lagā

    kahāñ hai kidhar hai batā kaun hai

    mire hote kis huā hausla

    ki merī re.āyā pe koī zulm kar sake

    vo hai aap zaat sir magar

    maiñ m maiñ maiñ vo kahtā thā sir

    j j jañgal raajā asl

    maiñ vo vo hai

    lapak ke uThā sher bolā batā

    kahāñ hai batā us ko kachchā chabā jā.ūñgā

    vo pīpal pauḌī ke pīchhe

    jo kuaañ hai

    vahīñ pe chhupā hai vo kāyer huzūr

    palak ke jhapakne meñ pahuñche kueñ pe

    ḳhargosh aur sher

    khaḌe ho ke kuñ.eñ pe us sher ne

    jo paanī meñ dekhā to haañ sher thā

    vo paanī meñ us parchhā.īñ thī

    magar sher samjhā vahī dūsrā sher hai

    dikhā.e jo us ne bhayānak se daañt

    to us ne bhī dikhlā.e vaise daañt

    ye ġhurrāyā ġhurrā.ī parchhā.īñ bhī

    palaT ke kueñ se jo āvāz lauTī

    vo samjhā vo aayā

    ye kuudā chhapāk se paanī meñ aur

    Duub ke mar gayā

    ḳhushī se jo uchhlā hai ḳhargosh to

    abhī tak uchhal kar chaltā hai vo

    bahut hi baDe ek jangal mein ek bar

    bahut hi baDa ek hi sher tha

    bahut hi baDi us ki monchhen bhi thin

    bahut hi baDi punchh us sher ki

    kabhi punchh upar uThata tha jab

    to panchhi bhi peDon pe Dar jate the

    nikalta tha jab ghaar se aur ghurraata tha

    to jangal mein sab Dar ke chhup jate the

    bahut sahme sahme se rahte the sab

    kabhi koi gidaD kabhi lomDi

    kabhi nil gay kabhi koi suar

    kabhi ek do aur kabhi tin tin

    jahan bhi mile jis qadar bhi shikar

    wo jangal ka raja tha kha jata tha

    koi bhi amn se na ji pata tha

    bahut soch kar sab ke sab ek din

    sabha mein mile aur kiye faisle

    agar sher bahar na aaya kare

    to har roz parchi nikala karen

    ki har roz bas ek hi jaanwar

    KHud hi sher ke ghaar mein bhej kar

    chain se ji saken

    magar sher ji se ye kaise kahen

    sabha ke sabhi soch mein paD gae

    bahut der baad

    baDe pir bakre ji bole ki main

    meri umr to yun hi baqi hai kam

    mujhe khae jata hai bachchon ka gham

    agar sher ne kha liya bhi to kya

    sunaya baDe pir ne ja ke jangal ka ye faisla

    sher ji sun ke pahle to chaunke zara

    magar ghaur se socha jab moamla

    to samjhe chalo apni mehnat bachi

    ye jangal bhi apna hai raja bhi hum

    hamein hi to hoga na parja ka gham

    zaban pher kar KHushk honTon pe bole

    KHabar kar di jaegi janta ko kal

    magar aaj ke din halum halum

    aaj to aap hi meri KHurak ho

    kaha aur bas kha gaya buDhe bakre ko sher

    din guzarte gae

    log ghaTte gae mahine gae

    yun hi roz KHurak jati rahi sher ke ghaar tak

    ki ek din nikal aai bari jo KHargosh ki

    wo ghabra gaya

    chala dhime dhime se kachhwe ki chaal

    pahunchte pahunchte use ghaar tak sham hone lagi

    use dekh kar sher bhanna gaya

    chhaTanki barabar ye KHurak bheji hai jangal ne

    aur is qadar der se

    miTa dunga KHargosh ki zat ko

    main jangal ka jangal hi kha jaunga

    suna aur KHargosh rone laga

    giDgiDane laga

    huzur is mein meri nahin hai KHata

    na jangal sabha ka koi dosh hai

    ki jangal ne to sat KHargosh bheje magar

    magar kya

    magar sir

    magar kya kyun hakla rahe ho batao mujhe

    magar magar magar sir

    kahan hain tumhaare chhe ghaddar sathi

    wo KHargosh phir se sisakne laga

    hamein raste mein huzur ek

    zalim ne roka tha

    aur bahut galiyan aap ko din

    kaha main dohraun kaise wo sab kuchh huzur

    kaha jao kah do mere sathiyon ko wahi kha gaya

    ye sunna tha ki sher ghurraya monchhon mein bal aa gae

    akaDne lagi us ki hunTeri punchh

    aur aankhon mein bas KHun utarne laga

    kahan hai kidhar hai bata kaun hai

    mere hote kis ka hua hausla

    ki meri reaya pe koi zulm kar sake

    wo hai aap ki zat ka sir magar

    main m main main wo kahta tha sir

    j j jangal ka raja asl

    main wo wo hai

    lapak ke uTha sher bola bata

    kahan hai bata us ko kachcha chaba jaunga

    wo pipal ki pauDi ke pichhe

    jo kuan hai na

    wahin pe chhupa hai wo kayer huzur

    palak ke jhapakne mein pahunche kuen pe

    KHargosh aur sher

    khaDe ho ke kunen pe us sher ne

    jo pani mein dekha to han sher tha

    wo pani mein us ki hi parchhain thi

    magar sher samjha wahi dusra sher hai

    dikhae jo us ne bhayanak se dant

    to us ne bhi dikhlae waise hi dant

    ye ghurraya ghurrai parchhain bhi

    palaT ke kuen se jo aawaz lauTi

    wo samjha wo aaya

    ye kuda chhapak se pani mein aur

    Dub ke mar gaya

    KHushi se jo uchhla hai KHargosh to

    abhi tak uchhal kar hi chalta hai wo

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites