shikast-e-zindan ka KHwab

Josh Malihabadi

shikast-e-zindan ka KHwab

Josh Malihabadi

MORE BYJosh Malihabadi

    INTERESTING FACT

    "this was the first revolutionary poem of josh malihabadi which was full of zeal of freedom movment. this was new trend in urdu poetry" sardar jafry

    kyā hind zindāñ kaañp rahā hai guuñj rahī haiñ takbīreñ

    uktā.e haiñ shāyad kuchh qaidī aur toḌ rahe haiñ zanjīreñ

    dīvāroñ ke nīche aa aa kar yuuñ jam.a hue haiñ zindānī

    sīnoñ meñ talātum bijlī āñkhoñ meñ jhalaktī shamshīreñ

    bhūkoñ nazar meñ bijlī hai topoñ ke dahāne ThanDe haiñ

    taqdīr ke lab ko jumbish hai dam toḌ rahī haiñ tadbīreñ

    āñkhoñ meñ gadā surḳhī hai be-nūr hai chehra sultāñ

    taḳhrīb ne parcham kholā hai sajde meñ paḌī haiñ tāmīreñ

    kyā un ko ḳhabar thī zer-o-zabar rakhte the jo rūh-e-millat ko

    ubleñge zamīñ se mār-e-siyah barseñgī falak se shamshīreñ

    kyā un ko ḳhabar thī sīnoñ se jo ḳhuun churāyā karte the

    ik roz isī be-rañgī se jhalkeñgī hazāroñ tasvīreñ

    kyā un ko ḳhabar thī hoñToñ par jo qufl lagāyā karte the

    ik roz isī ḳhāmoshī se Tapkeñgī dahaktī taqrīreñ

    sambhlo ki vo zindāñ guuñj uThā jhapTo ki vo qaidī chhūT ga.e

    uTTho ki vo baiThīñ dīvāreñ dauḌo ki vo TuuTī zanjīreñ

    kya hind ka zindan kanp raha hai gunj rahi hain takbiren

    uktae hain shayad kuchh qaidi aur toD rahe hain zanjiren

    diwaron ke niche aa aa kar yun jama hue hain zindani

    sinon mein talatum bijli ka aankhon mein jhalakti shamshiren

    bhukon ki nazar mein bijli hai topon ke dahane ThanDe hain

    taqdir ke lab ko jumbish hai dam toD rahi hain tadbiren

    aankhon mein gada ki surKHi hai be-nur hai chehra sultan ka

    taKHrib ne parcham khola hai sajde mein paDi hain tamiren

    kya un ko KHabar thi zer-o-zabar rakhte the jo ruh-e-millat ko

    ublenge zamin se mar-e-siyah barsengi falak se shamshiren

    kya un ko KHabar thi sinon se jo KHun churaya karte the

    ek roz isi be-rangi se jhalkengi hazaron taswiren

    kya un ko KHabar thi honTon par jo qufl lagaya karte the

    ek roz isi KHamoshi se Tapkengi dahakti taqriren

    sambhlo ki wo zindan gunj uTha jhapTo ki wo qaidi chhuT gae

    uTTho ki wo baiThin diwaren dauDo ki wo TuTi zanjiren

    Source:

    • Book : Azadi Ke Bad Urdu Nazam (Pg. 11)
    • Author : Shamim Hanfi and Mazhar Mahdi
    • Publication : qaumi council baraye-farogh urdu (2005)
    • Edition : 2005

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY