siyah lahu

ek dal aur itne bār-e-garāñ

ūñghte peḌ sar-nigūñ galiyāñ

muzmahil nuur muzmahil ḳhushiyāñ

an-ginat ḳhvāb an-ginat armāñ

be-mahak phuul adh-khilī kaliyāñ

bādshāhoñ kā qissa-e-man-o-tū

tiira sikkoñ kā tīra-tar jaadū

surḳh tārīkiyāñ siyāh lahū

muntashir raat muntashir gesū

be-asar aah be-asar aañsū

zehn kī qabr dil kā vīrāna

fikr-e-rozī talāsh-e-mai-ḳhāna

koī bā-aql koī dīvāna

merī tahqīq us kā afsāna

zard battī udaas parvāna

al-ġharaz ik na ik ġham-e-gul-o-ḳhār

falsafe kā ḳhumār ishq kā baar

dil ko ik sub.h-o-shām kā āzār

hasrat-e-sulh-o-hasrat-e-paikār

said-e-iblīs-o-kushta-e-yazdāñ

ek dal aur itne bar-e-garan

unghte peD sar-nigun galiyan

muzmahil nur muzmahil KHushiyan

an-ginat KHwab an-ginat arman

be-mahak phul adh-khili kaliyan

baadshahon ka qissa-e-man-o-tu

tera sikkon ka tira-tar jadu

surKH tarikiyan siyah lahu

muntashir raat muntashir gesu

be-asar aah be-asar aansu

zehn ki qabr dil ka virana

fikr-e-rozi talash-e-mai-KHana

koi ba-aql koi diwana

meri tahqiq us ka afsana

zard batti udas parwana

al-gharaz ek na ek gham-e-gul-o-KHar

falsafe ka KHumar ishq ka bar

dil ko ek subh-o-sham ka aazar

hasrat-e-sulh-o-hasrat-e-paikar

said-e-iblis-o-kushta-e-yazdan