hum ek hi bap ki aulad hain

ham haath nahīñ milā.eñge

ye vaqt diloñ ko milāne kā hai

ham ne tanhā.ī oḌh lī

aur insāniyat kī ikaa.ī ko sirhānā banā liyā

ham safar nahīñ kareñge

jab tak hamāre sandūq

ḳhūbsūrat tahā.if se tahī haiñ

hājat se ziyāda ḳharīdeñge na becheñge

ki dukāneñ aur bāzār

farāvānī se bhare raheñ

baġhair zarūrat gharoñ se nahīñ nikleñge

ki shāhrāheñ maidān aur baaġh jald ābād huuñ

agar zarūrī huā to

kisī ḳhāmosh kone meñ mareñge

ki zamīn hamāre baad bhī gītoñ se gūñjtī rahe

hum hath nahin milaenge

ye waqt dilon ko milane ka hai

hum ne tanhai oDh li

aur insaniyat ki ikai ko sirhana bana liya

hum safar nahin karenge

jab tak hamare sanduq

KHubsurat tahaif se tahi hain

hajat se ziyaada KHaridenge na bechenge

ki dukanen aur bazar

farawani se bhare rahen

baghair zarurat gharon se nahin niklenge

ki shahrahen maidan aur bagh jald aabaad hun

agar zaruri hua to

kisi KHamosh kone mein marenge

ki zamin hamare baad bhi giton se gunjti rahe