aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

influenza se corona tak

Tahzeeb Hafi

influenza se corona tak

Tahzeeb Hafi

MORE BYTahzeeb Hafi

    kitnā arsa lagā nā-umīdī ke parbat se patthar haTāte hue

    ek biphrī huī lahr ko raam karte hue

    nā-ḳhudāoñ meñ ab pīchhe kitne bache haiñ

    raushnī aur añdhere tafrīq meñ kitne logoñ ne āñkheñ gañvā diiñ

    kitnī sadiyāñ safar meñ guzārīñ

    magar aaj phir us jagah haiñ jahāñ se hameñ apnī maaoñ ne

    ruḳhsat kiyā thā

    apne sab se baḌe ḳhvāb ko apnī āñkhoñ ke aage ujaḌte hue

    dekhne se burā kuchh nahīñ hai

    terī qurbat meñ tujh se duurī pe jitnī guzārī

    terī chūḌiyoñ qasam zindagī dā.eroñ ke sivā kuchh nahīñ hai

    kuhniyoñ se hameñ apnā muñh Dhāñp kar khāñsne ko baḌoñ ne kahā thā

    to ham un pe hañste the aur sochte the ki un ko tissue-paperoñ mahak se allergy hai

    lekin hameñ ye patā nahīñ thā ki un pe vo āfāt TuuTī haiñ

    jin hameñ ik sadī ba.ad phir sāmnā hai

    vabā ke dinoñ meñ kise hosh rahtā hai

    kis haath ko chhoḌnā hai kise thāmnā hai

    ik riyāzī ke ustād ne apne hāthoñ meñ parkār le kar

    ye duniyā nahīñ dā.era khīñchnā thā

    ḳhair jo bhī huā tum bhī purkhoñ ke naqsh-e-qadam par chalo

    aur apnī hifāzat karo

    kuchh mahīne tumheñ apne tasme nahīñ bāñdhne

    is se aage to tum pe hai tum apnī manzil pe pahuñcho phir rāstoñ meñ raho

    is se pahle ki tum apne mahbūb ko ventilator pe dekho

    gharoñ meñ raho

    kitna arsa laga na-umidi ke parbat se patthar haTate hue

    ek biphri hui lahr ko ram karte hue

    na-KHudaon mein ab pichhe kitne bache hain

    raushni aur andhere ki tafriq mein kitne logon ne aankhen ganwa din

    kitni sadiyan safar mein guzarin

    magar aaj phir us jagah hain jahan se hamein apni maon ne

    ruKHsat kiya tha

    apne sab se baDe KHwab ko apni aankhon ke aage ujaDte hue

    dekhne se bura kuchh nahin hai

    teri qurbat mein ya tujh se duri pe jitni guzari

    teri chuDiyon ki qasam zindagi daeron ke siwa kuchh nahin hai

    kuhniyon se hamein apna munh Dhanp kar khansne ko baDon ne kaha tha

    to hum un pe hanste the aur sochte the ki un ko tissue-paperon ki mahak se allergy hai

    lekin hamein ye pata hi nahin tha ki un pe wo aafat TuTi hain

    jin ka hamein ek sadi baad phir samna hai

    waba ke dinon mein kise hosh rahta hai

    kis hath ko chhoDna hai kise thamna hai

    ek riyazi ke ustad ne apne hathon mein parkar le kar

    ye duniya nahin daera khinchna tha

    KHair jo bhi hua tum bhi purkhon ke naqsh-e-qadam par chalo

    aur apni hifazat karo

    kuchh mahine tumhein apne tasme nahin bandhne

    is se aage to tum pe hai tum apni manzil pe pahuncho ya phir raston mein raho

    is se pahle ki tum apne mahbub ko wentilator pe dekho

    gharon mein raho

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now