soz-o-gudaz

kyoñ ta.ammul hai tujhe roz-e-ajal aane meñ

ziist kā lutf milegā mujhe mar jaane meñ

na suno qissa-e-ālām taḌap jāoge

dard aur soz bharā hai mire afsāne meñ

qalb-e-muztar ko banā rakhā hai ghar hirmāñ ne

aur kyā chiiz hai is dil ke siyah-ḳhāne meñ

ab chhalakne ko hai saaqī mire jīvan kā gilās

bhar gayā āb-e-fanā umr ke paimāne meñ

ḳhirman-e-sabr-o-sukūñ ḳhaak na ho kyoñ jal kar

bijliyāñ kauñd rahī haiñ mire kāshāne meñ

parda-e-jahl uThā dījiye āñkhoñ se zarā

jalva-e-haq nazar aa.egā sanam-ḳhāne meñ

'āftāb' aa ki musībat ke haiñ āsār ayaañ

josh-e-vahshat hai fuzūñ aur bhī dīvāne meñ

kyon tammul hai tujhe roz-e-ajal aane mein

zist ka lutf milega mujhe mar jaane mein

na suno qissa-e-alam taDap jaoge

dard aur soz bhara hai mere afsane mein

qalb-e-muztar ko bana rakha hai ghar hirman ne

aur kya chiz hai is dil ke siyah-KHane mein

ab chhalakne ko hai saqi mere jiwan ka gilas

bhar gaya aab-e-fana umr ke paimane mein

KHirman-e-sabr-o-sukun KHak na ho kyon jal kar

bijliyan kaund rahi hain mere kashane mein

parda-e-jahl uTha dijiye aankhon se zara

jalwa-e-haq nazar aaega sanam-KHane mein

'aftab' aa ki musibat ke hain aasar ayan

josh-e-wahshat hai fuzun aur bhi diwane mein