subhash-chandr-bos bahadur-shah-zafar ke mazar par

Jagan Nath Azad

subhash-chandr-bos bahadur-shah-zafar ke mazar par

Jagan Nath Azad

MORE BYJagan Nath Azad

    assalām ai azmat-e-hindostāñ yādgār

    ai shahanshāh-e-dayār-e-dil faqīr-e-be-dayār

    aaj pahlī baar terī qabr par aayā huuñ maiñ

    be-navā huuñ nazr ko be-laus dil laayā huuñ maiñ

    gardish-e-taqdīr ke hāthoñ vatan se duur huuñ

    ek bulbul huuñ magar sehn-e-chaman se duur huuñ

    shauq āzādī mujh ko khīñch laayā hai yahāñ

    aaj dushman hai zamīñ merī adū hai āsmāñ

    maiñ bhī huuñ apne vatan se duur bhī duur hai

    haañ razā-e-pāk-e-yazdāñ ko yahī manzūr hai

    merā dāman bhī yahāñ ḳhaak se ālūda hai

    farq sirf itnā hai maiñ āvāra āsūda hai

    ai shah-e-ḳhvābīda ai taqdīr-e-bedār-e-vatan

    aa.ina merī nigāhoñ par hai o bār-e-vatan

    mere dil ko yaad hai ab tak vo sattāvan jang

    jis ke baa'd is sarzamīñ pe chhā ga.e ahal-e-farañg

    merī nazroñ meñ hai meraTh aur dehlī zavāl

    jāntā huuñ maiñ jo thā jhāñsī raanī ma.aal

    maiñ nahīñ bhūlā abhī anjām-e-nānā-farnavīs

    hai nazar meñ koshish-e-nākām-e-nānā-farnavīs

    dāstāñ jaise bhī ho guzrī vo sab mālūm hai

    tere dil-bandoñ pe jo guzrī vo sab mālūm hai

    ye vatan rauñdā hai jis ko muddatoñ aġhyār ne

    jis pe Dhaa.e zulm lākhoñ charḳh-e-nā-hanjār ne

    jis ko rakkhā muddatoñ qismat ne zillat-āshnā

    jis ne har pahlū meñ dekhī pastiyoñ intihā

    aaj phir us mulk meñ ik zindagī lahr hai

    ḳhaak se aflāk tak tābindagī lahr hai

    aaj phir is mulk ke lākhoñ javāñ bedār haiñ

    hurriyat raah meñ miTne ko jo tayyār haiñ

    aaj phir hai be-niyām is mulk shamshīr dekh

    sone vaale jaag apne ḳhvāb ta.abīr dekh

    is tarah larze meñ hai buniyād-e-aivān-e-farañg

    khā chuke haiñ maat goyā shīsha-bāzān-e-farañg

    hubb-e-qaumī ke tarānoñ se havā labrez hai

    aur topoñ danā-dan se fazā labrez hai

    shor gīr-o-dār hai phir fazāoñ meñ buland

    aaj phir himmat ne pheñkī hai sitāroñ par kamand

    phir umangeñ ārzūeñ haiñ diloñ meñ be-qarār

    qaum ko yaad aa gayā hai apnā gum-gashta vaqār

    naujavānoñ ke diloñ meñ sarfaroshī umang

    ishq baazī le gayā hai aql bechārī hai dañg

    aaj phir is des meñ jhankār talvāroñ hai

    kuchh nirālī kaifiyat phir des ke pyāroñ hai

    jo tavānā.ī irādoñ meñ hai kohsāroñ hai

    zarre zarre meñ nihāñ tābindagī tāroñ hai

    ye nazāra aah lafzoñ meñ samā saktā nahīñ

    aañkh jo kuchh dekhtī hai lab pe aa saktā nahīñ

    fat.h-e-nusrat duāoñ se huā ma.amūr hai

    nārā-e-jai-hind se saarī fazā ma.amūr hai

    mujh ko ai shāh-e-vatan apne irādoñ qasam

    jin ke sar kaaTe ga.e in shāh-zādoñ qasam

    tere marqad muqaddas ḳhaak mujh ko qasam

    maiñ jahāñ huuñ us fazā-e-pāk mujh ko qasam

    apne bhūke jāñ-ba-lab bangāl mujh ko qasam

    hākimoñ ke dast-parvar kaal mujh ko qasam

    lāl-qile ke zavāl o shahr-e-dehlī qasam

    mohsin-e-dehlī ma.āl-e-shahr-e-dehlī qasam

    maiñ tirī khoī huī azmat ko vāpas lā.ūñgā

    aur tire marqad pe nusrat-yāb ho kar ā.ūñgā

    teġh-e-hindī jis lohā māntā hai ik jahāñ

    jis tezī gavāhī de rahā hai āsmāñ

    teġh-e-hindī jis ko maiñ ne kar diyā hai be-niyām

    jis sheva hurriyat-keshī jahāñgīrī hai kaam

    jis ne puurī munsifī aaj tak duniyā ke saath

    zulm dushman hai jo ik zulm-e-be-parda ke saath

    har qadam par jis ne bātil ko milāyā ḳhaak meñ

    jis ke sākhoñ abhī tak guuñj hai aflāk meñ

    aaj phir apnī nazar jis chamak se ḳhīra hai

    jis tābānī se raushan ik jahān-e-tīrā hai

    ik jazīre ke hasīñ sāhil se jab Takrā.egī

    chain se mujh ko bhaḌaktī aag meñ niiñd aa.egī

    assalam ai azmat-e-hindostan ki yaadgar

    ai shahanshah-e-dayar-e-dil faqir-e-be-dayar

    aaj pahli bar teri qabr par aaya hun main

    be-nawa hun nazr ko be-laus dil laya hun main

    gardish-e-taqdir ke hathon watan se dur hun

    ek bulbul hun magar sehn-e-chaman se dur hun

    shauq aazadi ka mujh ko khinch laya hai yahan

    aaj dushman hai zamin meri adu hai aasman

    main bhi hun apne watan se dur tu bhi dur hai

    han raza-e-pak-e-yazdan ko yahi manzur hai

    mera daman bhi yahan ki KHak se aaluda hai

    farq sirf itna hai main aawara tu aasuda hai

    ai shah-e-KHwabida ai taqdir-e-bedar-e-watan

    aaina meri nigahon par hai o bar-e-watan

    mere dil ko yaad hai ab tak wo sattawan ki jang

    jis ke ba'd is sarzamin pe chha gae ahal-e-farang

    meri nazron mein hai meraTh aur dehli ka zawal

    jaanta hun main jo tha jhansi ki rani ka maal

    main nahin bhula abhi anjam-e-nana-farnawis

    hai nazar mein koshish-e-nakaam-e-nana-farnawis

    dastan jaise bhi ho guzri wo sab malum hai

    tere dil-bandon pe jo guzri wo sab malum hai

    ye watan raunda hai jis ko muddaton aghyar ne

    jis pe Dhae zulm lakhon charKH-e-na-hanjar ne

    jis ko rakkha muddaton qismat ne zillat-ashna

    jis ne har pahlu mein dekhi pastiyon ki intiha

    aaj phir us mulk mein ek zindagi ki lahr hai

    KHak se aflak tak tabindagi ki lahr hai

    aaj phir is mulk ke lakhon jawan bedar hain

    hurriyat ki rah mein miTne ko jo tayyar hain

    aaj phir hai be-niyam is mulk ki shamshir dekh

    sone wale jag apne KHwab ki tabir dekh

    is tarah larze mein hai buniyaad-e-aiwan-e-farang

    kha chuke hain mat goya shisha-bazan-e-farang

    hubb-e-qaumi ke taranon se hawa labrez hai

    aur topon ki dana-dan se faza labrez hai

    shor gir-o-dar ka hai phir fazaon mein buland

    aaj phir himmat ne phenki hai sitaron par kamand

    phir umangen aarzuen hain dilon mein be-qarar

    qaum ko yaad aa gaya hai apna gum-gashta waqar

    naujawanon ke dilon mein sarfaroshi ki umang

    ishq bazi le gaya hai aql bechaari hai dang

    aaj phir is des mein jhankar talwaron ki hai

    kuchh nirali kaifiyat phir des ke pyaron ki hai

    jo tawanai iradon mein hai kohsaron ki hai

    zarre zarre mein nihan tabindagi taron ki hai

    ye nazara aah lafzon mein sama sakta nahin

    aankh jo kuchh dekhti hai lab pe aa sakta nahin

    fath-e-nusrat ki duaon se hua mamur hai

    nara-e-jai-hind se sari faza mamur hai

    mujh ko ai shah-e-watan apne iradon ki qasam

    jin ke sar kaTe gae in shah-zadon ki qasam

    tere marqad ki muqaddas KHak ki mujh ko qasam

    main jahan hun us faza-e-pak ki mujh ko qasam

    apne bhuke jaan-ba-lab bangal ki mujh ko qasam

    hakimon ke dast-parwar kal ki mujh ko qasam

    lal-qile ke zawal o shahr-e-dehli ki qasam

    mohsin-e-dehli maal-e-shahr-e-dehli ki qasam

    main teri khoi hui azmat ko wapas launga

    aur tere marqad pe nusrat-yab ho kar aaunga

    tegh-e-hindi jis ka loha manta hai ek jahan

    jis ki tezi ki gawahi de raha hai aasman

    tegh-e-hindi jis ko main ne kar diya hai be-niyam

    jis ka shewa hurriyat-keshi jahangiri hai kaam

    jis ne puri munsifi ki aaj tak duniya ke sath

    zulm ki dushman hai jo ek zulm-e-be-parda ke sath

    har qadam par jis ne baatil ko milaya KHak mein

    jis ke sakhon ki abhi tak gunj hai aflak mein

    aaj phir apni nazar jis ki chamak se KHira hai

    jis ki tabani se raushan ek jahan-e-tira hai

    ek jazire ke hasin sahil se jab Takraegi

    chain se mujh ko bhaDakti aag mein nind aaegi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY