taaruf

ajal, in se mil,

ki ye sāda-dil

na ahl-e-salāt aur na ahl-e-sharāb,

na ahl-e-adab aur na ahl-e-hisāb,

nā ahl-e-kitāb

na ahl-e-kitāb aur na ahl-e-mashīn

na ahle-ḳhalā aur na ahl-e-zamīn

faqat be-yaqīn

ajal, in se mat kar hijāb

ajal, in se mil!

baḌho, tum bhī aage baḌho

ajal se milo,

baḌho, nau-tavañgar gadāo

na kashkol-e-daryūza-gardī chhupāo

tumheñ zindagī se koī rabt baaqī nahīñ

ajal se hañso aur ajal ko hañsāo

baḌho bandagān-e-zamāna baḌho bandagān-e-diram

ajal ye sab insān manafī haiñ

manafī ziyāda haiñ insān kam

ho in par nigāh-e-karam

ajal, in se mil,

ki ye sada-dil

na ahl-e-salat aur na ahl-e-sharab,

na ahl-e-adab aur na ahl-e-hisab,

na ahl-e-kitab

na ahl-e-kitab aur na ahl-e-mashin

na ahle-KHala aur na ahl-e-zamin

faqat be-yaqin

ajal, in se mat kar hijab

ajal, in se mil!

baDho, tum bhi aage baDho

ajal se milo,

baDho, nau-tawangar gadao

na kashkol-e-daryuza-gardi chhupao

tumhein zindagi se koi rabt baqi nahin

ajal se hanso aur ajal ko hansao

baDho bandagan-e-zamana baDho bandagan-e-diram

ajal ye sab insan manafi hain

manafi ziyaada hain insan kam

ho in par nigah-e-karam