tai-shuda mausam

musāfir hue phir ik andhe safar ke

pata tai-shuda mausamoñ kā

kahīñ kho gayā hai

baḌe shahr ke ik club meñ,

dīvālī manāte hue

kal kisī ne kahā thā

cinema ke parde

ka.ī tiij tyauhār mele sameTe hue haiñ

tumheñ fikr kaisī

ye kyuuñ rañg chehre kā phīkā paḌā hai

tumhīñ sust qadmoñ pe nādim hue the

tumhīñ ko havas thī

ki raftār qaabū meñ kar leñ ḳhalā.eñ khañgāleñ

ga.e mausamoñ kā janāza uThā.e

kahāñ jā rahe ho

koī ibn-e-maryam na haath aa sakegā

chalo us ko miTTī ke nīche dabā deñ

yahī aane vāloñ ke haq meñ

munāsib rahegā

musafir hue phir ek andhe safar ke

pata tai-shuda mausamon ka

kahin kho gaya hai

baDe shahr ke ek club mein,

diwali manate hue

kal kisi ne kaha tha

cinema ke parde

kai tij tyauhaar mele sameTe hue hain

tumhein fikr kaisi

ye kyun rang chehre ka phika paDa hai

tumhin sust qadmon pe nadim hue the

tumhin ko hawas thi

ki raftar qabu mein kar len KHalaen khangalen

gae mausamon ka janaza uThae

kahan ja rahe ho

koi ibn-e-maryam na hath aa sakega

chalo us ko miTTi ke niche daba den

yahi aane walon ke haq mein

munasib rahega