tark-e-mohabbat

husn kī maslahatoñ kā hai taqāzā dil se

ki nikal jaa.e ġham-e-ishq kā saudā dil se

ho magar jis kī rag-o-pai meñ mohabbat saarī

jis ke ehsās pe ho nashsha-e-ulfat taarī

kis tarah dard-e-mohabbat se kinārā kar le

jism aur ruuh kī furqat ko gavārā kar le

aah lekin ye kasauTī hai vafādārī kī

āzmā.ish hai yahī ishq-o-havas-kārī kī

dekh ai dost mire jazba-e-ulfat ko dekh

merī be-laus vafā paak mohabbat ko dekh

tujh se bhī tere liye qat.a nazar kartā huuñ

tark ulfat ko na karnā thā magar kartā huuñ

dīda-e-shauq na hogā tirī jānib nigarāñ

ab na aa.egī laboñ tak mire fariyād-o-fuġhāñ

chashm-e-tar meñ ab na ashkoñ kī namī aa.egī

dil kī betābi-e-vahshat meñ kamī aa.egī

kyā magar ishq kī fitrat bhī badal jā.egī

aah kyā yaad tirī dil se nikal jā.egī

husn ki maslahaton ka hai taqaza dil se

ki nikal jae gham-e-ishq ka sauda dil se

ho magar jis ki rag-o-pai mein mohabbat sari

jis ke ehsas pe ho nashsha-e-ulfat tari

kis tarah dard-e-mohabbat se kinara kar le

jism aur ruh ki furqat ko gawara kar le

aah lekin ye kasauTi hai wafadari ki

aazmaish hai yahi ishq-o-hawas-kari ki

dekh ai dost mere jazba-e-ulfat ko dekh

meri be-laus wafa pak mohabbat ko dekh

tujh se bhi tere liye qata nazar karta hun

tark ulfat ko na karna tha magar karta hun

dida-e-shauq na hoga teri jaanib nigaran

ab na aaegi labon tak mere fariyaad-o-fughan

chashm-e-tar mein ab na ashkon ki nami aaegi

dil ki betabi-e-wahshat mein kami aaegi

kya magar ishq ki fitrat bhi badal jaegi

aah kya yaad teri dil se nikal jaegi