tere hone se

dil kī koñpal harī tere hone se hai

zindagī zindagī tere hone se hai

kisht-zāroñ meñ tū kār-ḳhānoñ meñ tū

in zamīnoñ meñ tū āsmānoñ meñ tū

sher meñ nasr meñ dāstānoñ meñ tū

shahr o sahrā meñ tū aur chaTānoñ meñ tū

husn-e-sūrat-garī tere hone se hai

zindagī zindagī tere hone se hai

tujh se hai āfrīnash numū irtiqā

tujh se haiñ qāfile rāste rahnumā

tū na hotī to kyā thā chaman kyā sabā

kaise kaTtā safar dard kā yaas kā

aas kī raushnī tere hone se hai

zindagī zindagī tere hone se hai

ḳhauf o nafrat kī har had miTāne nikal

aql-o-dānish kī sham.eñ jalāne nikal

zer-dastoñ kī himmat bañdhāne nikal

ham-ḳhayāl aur apne banāne nikal

ab kushā be-kasī tere hone se hai

zindagī zindagī tere hone se hai

dil ki konpal hari tere hone se hai

zindagi zindagi tere hone se hai

kisht-zaron mein tu kar-KHanon mein tu

in zaminon mein tu aasmanon mein tu

sher mein nasr mein dastanon mein tu

shahr o sahra mein tu aur chaTanon mein tu

husn-e-surat-gari tere hone se hai

zindagi zindagi tere hone se hai

tujh se hai aafrinash numu irtiqa

tujh se hain qafile raste rahnuma

tu na hoti to kya tha chaman kya saba

kaise kaTta safar dard ka yas ka

aas ki raushni tere hone se hai

zindagi zindagi tere hone se hai

KHauf o nafrat ki har had miTane nikal

aql-o-danish ki shamen jalane nikal

zer-daston ki himmat bandhane nikal

ham-KHayal aur apne banane nikal

ab kusha be-kasi tere hone se hai

zindagi zindagi tere hone se hai