aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

lahu pukarta hai

Ali Sardar Jafri

lahu pukarta hai

Ali Sardar Jafri

MORE BYAli Sardar Jafri

    lahū pukārtā hai

    har taraf pukārtā hai

    sahar ho, shaam ho, ḳhāmoshī ho ki hañgāma

    julūs-e-ġham ho ki bazm-e-nashāt-ārā.ī

    lahū pukārtā hai

    lahū pukārtā hai jaise ḳhushk sahrā meñ

    pukārā karte the paiġhambarān-e-isrā.īl

    zamīñ ke siine se aur āstīn-e-qātil se

    gulū-e-kushta se behis zabān-e-ḳhanjar se

    sadā lapaktī hai har samt harf-e-haq tarah

    magar vo kaan jo bahre haiñ sun nahīñ sakte

    magar vo qalb jo sañgīñ haiñ hil nahīñ sakte

    ki un meñ ahl-e-havas sadā siisa hai

    vo jhukte rahte haiñ lab-hā-e-iqtidār samt

    vo sunte rahte haiñ bas hukm-e-hākimān-e-jahāñ

    tavāf karte haiñ arbāb-e-gīr-o-dār ke gird

    magar lahū to hai be-bāk o sarkash o chālāk

    ye sho.ala mai ke piyāle meñ jaag uThtā hai

    libās-e-atlas-o-dībā meñ sarsarātā hai

    ye dāmanoñ ko pakaḌtā hai shāh-rāhoñ meñ

    khaḌā huā nazar aatā hai dād-gāhoñ meñ

    zamīñ sameT na pā.egī us bāñhoñ meñ

    chhalak rahe haiñ samundar sarak rahe haiñ pahāḌ

    lahū pukār rahā hai lahū pukāregā

    ye vo sadā hai jise qatl kar nahīñ sakte

    lahu pukarta hai

    har taraf pukarta hai

    sahar ho, sham ho, KHamoshi ho ki hangama

    julus-e-gham ho ki bazm-e-nashat-arai

    lahu pukarta hai

    lahu pukarta hai jaise KHushk sahra mein

    pukara karte the paighambaran-e-israil

    zamin ke sine se aur aastin-e-qatil se

    gulu-e-kushta se behis zaban-e-KHanjar se

    sada lapakti hai har samt harf-e-haq ki tarah

    magar wo kan jo bahre hain sun nahin sakte

    magar wo qalb jo sangin hain hil nahin sakte

    ki un mein ahl-e-hawas ki sada ka sisa hai

    wo jhukte rahte hain lab-ha-e-iqtidar ki samt

    wo sunte rahte hain bas hukm-e-hakiman-e-jahan

    tawaf karte hain arbab-e-gir-o-dar ke gird

    magar lahu to hai be-bak o sarkash o chaalak

    ye shoala mai ke piyale mein jag uThta hai

    libas-e-atlas-o-diba mein sarsaraata hai

    ye damanon ko pakaDta hai shah-rahon mein

    khaDa hua nazar aata hai dad-gahon mein

    zamin sameT na paegi us ki banhon mein

    chhalak rahe hain samundar sarak rahe hain pahaD

    lahu pukar raha hai lahu pukarega

    ye wo sada hai jise qatl kar nahin sakte

    Source:

    Ek Khvab aur (Pg. 7)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now