shah-e-daula chuha

Saqi Faruqi

shah-e-daula chuha

Saqi Faruqi

MORE BYSaqi Faruqi

    maiñ thā māñda udaas

    maqbare ke paas

    ek sabz hajle meñ

    apne jamūre

    bechainī se intizār kar rahā thā

    murjhā.ī huī dhuup

    kaahī dolā shāhī

    ḳhānqāh zar-nigāh

    sīḌhiyoñ se utartī

    dālān paar kartī

    hujre sunahrī jāliyoñ se

    chhan chhan guzartī

    marmarīñ farsh par

    TuuTe hue chitkabre paroñ tarah

    halkān paḌī huī thī

    ek kone meñ

    himāliyā.ī silk route se

    smugle kiye hue

    bachchiyoñ laḌkiyoñ auratoñ vaale

    chīnī faulādī juute

    paloThī ke laḌkoñ ke intizār meñ

    pighal pighal ke

    chhoTī chhoTī ulTe kaToroñ jaisī

    be-phande āhanī

    turkī Topiyoñ bane baiThe the

    maiñ choriyāñ kartā

    siskāriyāñ bhartā

    karachi se multān

    multān se lahore

    lahore se gujrāt pahuñchā thā

    tarah tarah ke ghināone peshoñ

    aur ghane andeshoñ se

    laḌ bhiḌ ke

    faqīrī iḳhtiyār thī

    yahī qaumī mizāj

    aur ḳhitte rivāj thā

    magar das baras tak

    bhiik maañg maañg ke

    thak chukā thā

    hama-vaqt muñh khulā rakhne

    aur haath phailāne se

    uñgliyāñ aur hatheliyāñ

    dikhne lagī thiiñ

    jabḌe karāhne lage the

    ek dūr-andesh

    parnā.e darvesh ke

    bar-vaqt mashvare par

    idhar safar iḳhtiyār kiyā thā

    pāñch hazār poTlī

    ḳhashḳhashī dāḌhī vaale

    sajjāda-nashīn ke havāle kar thī

    vo ek nārīkī sar vaale

    chaudah pañdrah baras ke hañsmukh

    ajūbe ke hamrāh

    baġhlī tah-ḳhāne meñ

    ye kah kar utar ga.e the

    aayā abhī aayā

    maiñ chaḌhī dopahar saaya thā

    ab shaam tilmilā rahī thī

    sarāsīma ḳhayāloñ meñ

    vasvasoñ ke sañpoliye kulbulā rahe the

    achānak āvāz aa.ī

    sāhab devilry tayyār hai

    to kyā dekhtā huuñ

    bichāre mujāvar ke

    shānoñ se ukhḌe hue

    aur TuuTe hue haath

    mazbūt rassī se

    nañgī kamar par bañdhe haiñ

    dīdoñ pe paTTī hai

    hoñToñ pe Tāñke haiñ

    gardan meñ paTTā hai

    paTe meñ chamḌe

    chauḌā tasma paḌā hai

    razākār chūhe ne

    bille ko mere havāle kiyā

    aur chup-chāp aage ravāna huā

    us jaltī huī muntaqim surḳh āñkhoñ meñ

    sadiyoñ ke sog

    jigar jigar jagmagā rahe the

    main tha manda udas

    maqbare ke pas

    ek sabz hajle mein

    apne jamure ka

    bechaini se intizar kar raha tha

    murjhai hui dhup

    kahi dola shahi

    KHanqah ki zar-nigah

    siDhiyon se utarti

    dalan par karti

    hujre ki sunahri jaliyon se

    chhan chhan guzarti

    marmarin farsh par

    TuTe hue chitkabre paron ki tarah

    halkan paDi hui thi

    ek kone mein

    himaliyai silk route se

    smugle kiye hue

    bachchiyon laDkiyon auraton wale

    chini fauladi jute

    paloThi ke laDkon ke intizar mein

    pighal pighal ke

    chhoTi chhoTi ulTe kaToron jaisi

    be-phande ki aahani

    turki Topiyon bane baiThe the

    main choriyan karta

    siskariyan bharta

    karachi se multan

    multan se lahore

    lahore se gujraat pahuncha tha

    tarah tarah ke ghinaone peshon

    aur ghane andeshon se

    laD bhiD ke

    faqiri iKHtiyar ki thi

    yahi qaumi mizaj

    aur KHitte ka riwaj tha

    magar das baras tak

    bhik mang mang ke

    thak chuka tha

    hama-waqt munh khula rakhne

    aur hath phailane se

    ungliyan aur hatheliyan

    dikhne lagi thin

    jabDe karahne lage the

    ek dur-andesh

    parnae darwesh ke

    bar-waqt mashware par

    idhar ka safar iKHtiyar kiya tha

    panch hazar ki poTli

    KHashKHashi daDhi wale

    sajjada-nashin ke hawale kar di thi

    wo ek nariki sar wale

    chaudah pandrah baras ke hansmukh

    ajube ke hamrah

    baghli tah-KHane mein

    ye kah kar utar gae the

    aaya abhi aaya

    main chaDhi dopahar ka saya tha

    ab sham tilmila rahi thi

    sarasima KHayalon mein

    waswason ke sanpoliye kulbula rahe the

    achanak aawaz aai

    sahab dewilry tayyar hai

    to kya dekhta hun

    bichaare mujawar ke

    shanon se ukhDe hue

    aur TuTe hue hath

    mazbut rassi se

    nangi kamar par bandhe hain

    didon pe paTTi hai

    honTon pe Tanke hain

    gardan mein paTTa hai

    paTe mein chamDe ka

    chauDa sa tasma paDa hai

    razakar chuhe ne

    bille ko mere hawale kiya

    aur chup-chap aage rawana hua

    us ki jalti hui muntaqim surKH aankhon mein

    sadiyon ke sog

    jigar jigar jagmaga rahe the

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY