aadha kamra

Sara Shagufta

aadha kamra

Sara Shagufta

MORE BYSara Shagufta

    us ne itnī kitābeñ chaaT Dālīñ

    ki us aurat ke pair kāġhaz tarah ho ga.e

    vo roz kāġhaz pe apnā chehra likhtā aur ganda hotā

    us aurat jo ḳhāmoshī kāḌhe baiThī thī

    kāġhazoñ ke bhūñkne par sartre ke paas ga.ī

    tum rambo aur freud se bhī mil aa.e ho kyā

    saifū merī saifū mīrābā.ī tarah mat bolo

    maiñ samajh ga.ī ab us āñkheñ

    keats āñkheñ huī jaatī haiñ

    maiñ jo sohnī ghaḌā uThā.e hue thī

    apnā naam lailā batā chukī thī

    maiñ ne kahā

    lailā majme bāteñ mere sāmne mat dohrāyā karo

    tanhā.ī bhī koī chiiz hotī hai

    shakespeare ke Darāmoñ se chun chun kar us ne Thumke lagā.e

    mujhe tanhā dekh kar

    sārtar freud ke kamre meñ chalā gayā

    vo apnī theory se gir gir paḌtā

    maiñ samajh ga.ī us kitāb kitnī hai

    lekin bahr haal sartre thā

    aur kal ko majme meñ bhī milnā thā

    maiñ ne bhiiḌ taraf ishāra kiyā to bolā

    itne saare sātroñ se mil kar tumheñ kyā karnā hai

    agar ziyāda zid kartī ho to apne vāris 'shāh'

    hiir sayyāl ke kamroñ meñ chale chalte haiñ

    sartre se isti.āra milte

    maiñ ne ek tanqīdī nashist rakkhī

    maiñ ne aadhā kamra bhī baḌī mushkil se hāsil kiyā thā

    so pahle aadhe freud ko bulāyā

    phir aadhe rambo ko bulāyā

    aadhī aadhī baat pūchhnī shurūa

    john Donne kyā kar rahā hai

    second hand shā.iroñ se najāt chāhtā hai

    choroñ se saḳht nālāñ hai

    dāñte is vaqt kahāñ hai

    vo jahannam se bhī farār ho chukā hai

    us ko shub.ha thā

    vo ḳhvāja-sarāoñ se ziyāda der muqābla nahīñ kar saktā

    apne pas-manzar meñ

    ek kuttā musalsal bhūñkne ke liye chhoḌ gayā hai

    is kutte ḳhaslat kyā hai

    biyatarche yaad meñ bhūñk rahā hai

    tumhārā tasavvur kyā kahtā hai

    sātroñ tasavvur ke lihāz se

    ab us ruḳh go.eTe ke ghar taraf ho gayā hai

    baaqī aadhe kamre meñ kyā ho rahā hai

    laḌkiyāñ

    kyā harf chun rahī haiñ

    isti.āre ke lihāz se

    harām ke bachche gin rahī haiñ

    laḌkiyoñ ke naam qāfiye vaj.h se

    sartre ziyāda nahīñ rakh rahā hai

    is liye un ġhazal chhoTī paḌ rahī hai

    zamīn ke lihāz se naqqād

    apne kamroñ se ukhaḌne ke liye tayyār nahīñ

    lekin unhoñ ne vaada kiyā hai

    saare thinker ikaTThe hoñge

    aur batā.eñge ki society kiyā hai

    aur kyuuñ hai

    vaise havāoñ kaam hai chalte phirte rahnā

    dūr-andesh aañkh kaisī hai

    cigarette ke kash se baḌī hai

    vo ghaḌe se patthar nikāl kar gin rahe the

    aur kah rahe the maiñ is ghaḌe baanī huuñ

    chaa.e ke saath ġhībat ke cake

    zarūrī hote haiñ

    aur chuġhal-ḳhorī kitāb dībācha

    har shaḳhs likhtā hai

    zabānoñ meñ bujhe tīroñ se maqtūl zinda ho rahe haiñ

    baḌā iblāġh hai

    society ke chehre pe vo zabān chaltī hai

    ki ek ek bande ke paas

    kitāboñ riyāsat bande se ziyāda hai

    riyāsat meñ

    mahārāniyoñ ke qisse ghaḌne par

    ilm baḌī miltī hai

    bill ke sāda-kāġhaz par

    ilm likh diyā jaatā hai

    taaza daryāft par

    har fard muTThī garm hotī hai

    pahle ye batāo jhujhune tārīḳh-e-paidā.ish kyā hai

    maiñ koī naqqād huuñ jo tārīḳh dohrātā phirūñ

    kisī kalām paḌh lo

    tārīḳh mālūm ho jā.egī

    tumhārī āñkhoñ meñ aañsū

    'mīr' kitāb dībācha likhnā hai

    ye kis paTTī hai

    naqqād bhaa.ī

    ye kis aañkh hai

    mujhe to saifū bhābhī mālūm ho rahī hai

    aur ye haath

    ġhālib lagtā hai

    bakte ho

    zar amaan pā.ūñ to batā.ūñ

    jitne naam yaad the batā diye

    lekin tumhārā tasavvur kyā kahtā

    maiñ dum hilāne ke sivā kyā kar saktā huuñ

    us ne itni kitaben chaT Dalin

    ki us ki aurat ke pair kaghaz ki tarah ho gae

    wo roz kaghaz pe apna chehra likhta aur ganda hota

    us ki aurat jo KHamoshi kaDhe baiThi thi

    kaghazon ke bhunkne par sartre ke pas gai

    tum rambo aur freud se bhi mil aae ho kya

    saifu meri saifu mirabai ki tarah mat bolo

    main samajh gai ab us ki aankhen

    keats ki aankhen hui jati hain

    main jo sohni ka ghaDa uThae hue thi

    apna nam laila bata chuki thi

    main ne kaha

    laila majme ki baaten mere samne mat dohraya karo

    tanhai bhi koi chiz hoti hai

    shakespeare ke Daramon se chun chun kar us ne Thumke lagae

    mujhe tanha dekh kar

    sartar freud ke kamre mein chala gaya

    wo apni theory se gir gir paDta

    main samajh gai us ki kitab kitni hai

    lekin bahr haal sartre tha

    aur kal ko majme mein bhi milna tha

    main ne bhiD ki taraf ishaara kiya to bola

    itne sare satron se mil kar tumhein kya karna hai

    agar ziyaada zid karti ho to apne waris 'shah'

    hir sayyal ke kamron mein chale chalte hain

    sartre se istiara milte hi

    main ne ek tanqidi nashist rakkhi

    main ne aadha kamra bhi baDi mushkil se hasil kiya tha

    so pahle aadhe freud ko bulaya

    phir aadhe rambo ko bulaya

    aadhi aadhi baat puchhni shurua ki

    john Donne kya kar raha hai

    second hand shairon se najat chahta hai

    choron se saKHt nalan hai

    dante is waqt kahan hai

    wo jahannam se bhi farar ho chuka hai

    us ko shubha tha

    wo KHwaja-saraon se ziyaada der muqabla nahin kar sakta

    apne pas-manzar mein

    ek kutta musalsal bhunkne ke liye chhoD gaya hai

    is kutte ki KHaslat kya hai

    biyatarche ki yaad mein bhunk raha hai

    tumhaara tasawwur kya kahta hai

    satron ki tasawwur ke lihaz se

    ab us ka ruKH goeTe ke ghar ki taraf ho gaya hai

    baqi aadhe kamre mein kya ho raha hai

    laDkiyan

    kya harf chun rahi hain

    istiare ke lihaz se

    haram ke bachche gin rahi hain

    laDkiyon ke nam qafiye ki wajh se

    sartre ziyaada nahin rakh pa raha hai

    is liye un ki ghazal chhoTi paD rahi hai

    zamin ke lihaz se naqqad

    apne kamron se ukhaDne ke liye tayyar nahin

    lekin unhon ne wada kiya hai

    sare thinker ikaTThe honge

    aur bataenge ki society kiya hai

    aur kyun hai

    waise hawaon ka kaam hai chalte phirte rahna

    dur-andesh ki aankh kaisi hai

    cigarette ke kash se baDi hai

    wo ghaDe se patthar nikal kar gin rahe the

    aur kah rahe the main is ghaDe ka bani hun

    chae ke sath ghibat ke cake

    zaruri hote hain

    aur chughal-KHori ki kitab ka dibacha

    har shaKHs likhta hai

    zabanon mein bujhe tiron se maqtul zinda ho rahe hain

    baDa iblagh hai

    society ke chehre pe wo zaban chalti hai

    ki ek ek bande ke pas

    kitabon ki riyasat bande se ziyaada hai

    riyasat mein

    mahaaraniyon ke qisse ghaDne par

    ilm ki baDi milti hai

    bill ke sada-kaghaz par

    ilm likh diya jata hai

    taza daryaft par

    har fard ki muTThi garm hoti hai

    pahle ye batao jhujhune ki tariKH-e-paidaish kya hai

    main koi naqqad hun jo tariKH dohraata phirun

    kisi ka kalam paDh lo

    tariKH malum ho jaegi

    tumhaari aankhon mein aansu

    'mir' ki kitab ka dibacha likhna hai

    ye kis ki paTTi hai

    naqqad bhai ki

    ye kis ki aankh hai

    mujhe to saifu bhabhi ki malum ho rahi hai

    aur ye hath

    ghaalib ka lagta hai

    bakte ho

    zar ki aman paun to bataun

    jitne nam yaad the bata diye

    lekin tumhaara tasawwur kya kahta

    main dum hilane ke siwa kya kar sakta hun

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY