aurat

MORE BYShaukat Pardesi

    mujassam ishva-o-andāz bhī hai

    magar aurat jahān-e-rāz bhī hai

    sitam-ārā.iyāñ taslīm lekin

    nihāyat muḳhlis-o-dam-sāz bhī hai

    shakt-e-ārzū baat kaisī

    hujūm-e-ārzū raaz bhī hai

    agar kotāh-nazarī ho na haa.il

    to shāyad markaz-e-parvāz bhī hai

    kahīñ afsāna-e-ishq-o-mohabbat

    kahīñ rūdād-e-soz-o-sāz bhī hai

    yahī taqdīs-e-maryam zabt-e-sītā

    yahī ayyār-o-shāhid-bāz bhī hai

    isī se raunaq-e-har-anjuman bhī

    yahī har fitne āġhāz bhī hai

    yahī ganjīna-e-zauq-e-nihānī

    mashiyyat yahī e.ajāz bhī hai

    jahāñ hai sar-ba-sajda ishq ab tak

    yahī vo bārgāh-e-nāz bhī hai

    fazā-e-al-jazā.ir jis pe qurbāñ

    ik aisī pur-asar āvāz bhī hai

    ġharz aurat jahān-e-āb-o-gil meñ

    zamāna bhī zamāna-sāz bhī hai

    mujassam ishwa-o-andaz bhi hai

    magar aurat jahan-e-raaz bhi hai

    sitam-araiyan taslim lekin

    nihayat muKHlis-o-dam-saz bhi hai

    shakt-e-arzu ki baat kaisi

    hujum-e-arzu ka raaz bhi hai

    agar kotah-nazari ho na hail

    to shayad markaz-e-parwaz bhi hai

    kahin afsana-e-ishq-o-mohabbat

    kahin rudad-e-soz-o-saz bhi hai

    yahi taqdis-e-maryam zabt-e-sita

    yahi ayyar-o-shahid-baz bhi hai

    isi se raunaq-e-har-anjuman bhi

    yahi har fitne ka aaghaz bhi hai

    yahi ganjina-e-zauq-e-nihani

    mashiyyat ka yahi eajaz bhi hai

    jahan hai sar-ba-sajda ishq ab tak

    yahi wo bargah-e-naz bhi hai

    faza-e-al-jazair jis pe qurban

    ek aisi pur-asar aawaz bhi hai

    gharz aurat jahan-e-ab-o-gil mein

    zamana bhi zamana-saz bhi hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY