padmani

MORE BYSuroor Jahanabadi

    andalīboñ ko milī āh-o-bukā tālīm

    aur parvānoñ ko soz-e-vafā tālīm

    jab har ik chiiz ko qudrat ne atā tālīm

    aa.ī hisse meñ tire zauq-e-fanā tālīm

    narm o nāzuk tujhe aazā diye jalne ke liye

    dil diyā aag ke sholoñ pe pighalne ke liye

    rañg tasvīr ke parde meñ jo chamkā terā

    ḳhud-ba-ḳhud luuT gayā jalva-e-rānā terā

    Dhaal kar kāl-bud-nūr meñ putlā terā

    yad-e-qudrat ne banāyā jo sarāpā terā

    bhar diyā kuuT ke soz-e-ġham-e-shauhar dil meñ

    rakh diyā chiir ke ik shola-e-muztar dil meñ

    vo thī sham.a ki parvāna banāyā tujh ko

    vo lailā thī ki dīvāna banāyā tujh ko

    raunaq-e-ḳhavlat-e-shāhāna banāyā tujh ko

    nāzish-e-himāt-e-mardāna banāyā tujh ko

    naaz aayā tire hisse meñ adā bhī aa.ī

    jāñ-faroshī bhii, mohabbat bhii, vafā bhii, aa.ī

    aa.ī duniyā meñ jo husn meñ yaktā ban kar

    chaman-e-dahr meñ phūlī gul-e-rānā ban kar

    rahī maañ baap āñkhoñ jo taarā ban kar

    dil-e-shauhar meñ rahī ḳhāl-e-suvaidā ban kar

    Husn-e-ḳhidmat se shagufta dil-e-shauhar rakkhā

    ki qadam jāda-e-tā.at se na bāhar rakkhā

    terī fitrat meñ muravvat bhī thī ġham-ḳhvārī bhī

    terī sūrat meñ adā bhī tarah-dārī bhī

    jalva-e-husn meñ shāmil thī niko-kārī bhī

    dard aayā tire hisse meñ, to ḳhuddārī bhī

    aag par bhī na tujhe aah machalte dekhā

    tapish-e-husn ko pahlū na badalte dekhā

    vo ismat thī o ā.īna-sīmā tasvīr

    husn-e-sīrat se thī terī mutajalā tasvīr

    laakh tasvīroñ se thī ik tirī zebā tasvīr

    tujh ko qudrat ne banāyā thā sarāpā tasvīr

    nuur nuur tire jalva-e-mastūr meñ thā

    anjum-e-nāz jhurmuT ruḳh-e-pur-nūr meñ thā

    lab meñ ejaaz hayā chashm-e-fusūñ-sāz meñ thī

    ki qayāmat adā tere har andāz meñ thī

    shakl phirtī jo tirī dīda-e-ġhammāz meñ thī

    barq-e-betāb tirī jalva-gāh-e-nāz meñ thī

    ye vo bijlī thī qayāmat taḌap thī jis meñ

    shola-e-nār-e-uqūbat taḌap thī jis meñ

    ye vo bijlī thī jo teġh-e-sharar-afshāñ ho kar

    kauñd uThī qila-e-chittauḌ meñ jaulāñ ho kar

    ye vo bijlī thī jo soz-e-ġham-e-hirmāñ ho kar

    ḳhaak loT ga.ī terī pashīmāñ ho kar

    ye vo bijlī thī tujhe jis ke asar ne phūñkā

    rafta rafta tapish-e-soz-e-jigar ne phūñkā

    aah o ishva o andāz o adā devī

    aah o hind ke nāmūs-e-vafā devī

    aah o partav-e-anvār-e-safā devī

    o ziyārat-kada-e-sharm-o-hayā devī

    terī taqdīs qaa.el hai zamāna ab tak

    terī iffat zabāñ par hai fasāna ab tak

    āfrīñ hai tirī jāñ-bāzī o himmat ke liye

    āfrīñ hai tirī iffat tirī ismat ke liye

    kyā miTā.egā zamāna tirī shohrat ke liye

    ki chalī aatī hai ik ḳhalq ziyārat ke liye

    naqsh ab tak tirī azmat hai baiThā dil meñ

    vo devī hai, tirā lagtā hai mela dil meñ

    andalibon ko mili aah-o-buka ki talim

    aur parwanon ko di soz-e-wafa ki talim

    jab har ek chiz ko qudrat ne ata ki talim

    aai hisse mein tere zauq-e-fana ki talim

    narm o nazuk tujhe aaza diye jalne ke liye

    dil diya aag ke sholon pe pighalne ke liye

    rang taswir ke parde mein jo chamka tera

    KHud-ba-KHud luT gaya jalwa-e-rana tera

    Dhaal kar kal-bud-nur mein putla tera

    yad-e-qudrat ne banaya jo sarapa tera

    bhar diya kuT ke soz-e-gham-e-shauhar dil mein

    rakh diya chir ke ek shola-e-muztar dil mein

    tu wo thi shama ki parwana banaya tujh ko

    tu wo laila thi ki diwana banaya tujh ko

    raunaq-e-KHawlat-e-shahana banaya tujh ko

    nazish-e-himat-e-mardana banaya tujh ko

    naz aaya tere hisse mein ada bhi aai

    jaan-faroshi bhi, mohabbat bhi, wafa bhi, aai

    aai duniya mein jo tu husn mein yakta ban kar

    chaman-e-dahr mein phuli gul-e-rana ban kar

    rahi man bap ki aankhon ka jo tara ban kar

    dil-e-shauhar mein rahi KHal-e-suwaida ban kar

    Husn-e-KHidmat se shagufta dil-e-shauhar rakkha

    ki qadam jada-e-taat se na bahar rakkha

    teri fitrat mein murawwat bhi thi gham-KHwari bhi

    teri surat mein ada bhi tarah-dari bhi

    jalwa-e-husn mein shamil thi niko-kari bhi

    dard aaya tere hisse mein, to KHuddari bhi

    aag par bhi na tujhe aah machalte dekha

    tapish-e-husn ko pahlu na badalte dekha

    tu wo ismat ki thi o aaina-sima taswir

    husn-e-sirat se thi teri mutajala taswir

    lakh taswiron se thi ek teri zeba taswir

    tujh ko qudrat ne banaya tha sarapa taswir

    nur hi nur tere jalwa-e-mastur mein tha

    anjum-e-naz ka jhurmuT ruKH-e-pur-nur mein tha

    lab mein ejaz haya chashm-e-fusun-saz mein thi

    ki qayamat ki ada tere har andaz mein thi

    shakl phirti jo teri dida-e-ghammaz mein thi

    barq-e-betab teri jalwa-gah-e-naz mein thi

    ye wo bijli thi qayamat ki taDap thi jis mein

    shola-e-nar-e-uqubat ki taDap thi jis mein

    ye wo bijli thi jo tegh-e-sharar-afshan ho kar

    kaund uThi qila-e-chittauD mein jaulan ho kar

    ye wo bijli thi jo soz-e-gham-e-hirman ho kar

    KHak si loT gai teri pashiman ho kar

    ye wo bijli thi tujhe jis ke asar ne phunka

    rafta rafta tapish-e-soz-e-jigar ne phunka

    aah o ishwa o andaz o ada ki dewi

    aah o hind ke namus-e-wafa ki dewi

    aah o partaw-e-anwar-e-safa ki dewi

    o ziyarat-kada-e-sharm-o-haya ki dewi

    teri taqdis ka qael hai zamana ab tak

    teri iffat ka zaban par hai fasana ab tak

    aafrin hai teri jaan-bazi o himmat ke liye

    aafrin hai teri iffat teri ismat ke liye

    kya miTaega zamana teri shohrat ke liye

    ki chali aati hai ek KHalq ziyarat ke liye

    naqsh ab tak teri azmat ka hai baiTha dil mein

    tu wo dewi hai, tera lagta hai mela dil mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY