aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

udasi ek laDki hai

Anwar Fitrat

udasi ek laDki hai

Anwar Fitrat

MORE BYAnwar Fitrat

    december ghanī rātoñ meñ

    jab bādal barastā hai

    laraztī ḳhāmushī

    jab baal khole

    corridoroñ meñ sisaktī hai

    to ātish-dān ke aage

    kahīñ se vo dabe-pāñv

    mire pahlū meñ aatī hai

    aur apne marmarīñ hāthoñ se

    mere baal suljhāte hue

    sargoshiyoñ meñ dard ke qisse sunātī hai

    july do-pahreñ

    mumTiyoñ se jab utar kar

    āñganoñ meñ phail jaatī haiñ

    aur ik āvāra sannāTā

    chhatoñ par bhārī qadmoñ se

    baḌī āhistagī ke saath chaltā hai

    to vo chupke se mere paas aatī hai

    aur apne dhīme lahje meñ

    vo saarī dāstāneñ kah sunātī hai

    jinheñ sun kar maiñ dhīmī aañch par

    pahroñ sulagtā huuñ

    kisī girje ke vīrāñ lawn meñ

    jab january

    apne sunahrī gesuoñ ko khol kar

    koī purānā giit gaatī hai

    to vo ik an-chhūī nan tarah

    patthar ke benchoñ par

    mire kāñdhe pe sar rakkhe

    mire chehre pe apnī uñgliyoñ se

    sog likhtī hai

    kisī vaadī ke tanhā Dāk-bañgle meñ

    kabhī jab shaam rotī hai

    siyah kaafī ke pyāloñ se

    lapaktī bhaap meñ

    bātoñ ke biscuit phuul jaate haiñ

    to vo bhī jañgalī beloñ se

    uThtī ḳhushbuoñ se jism paatī hai

    mire nazdīk aatī hai

    mirī sāñsoñ pagDanDī pe

    dhīre dhīre chaltī hai

    mire andar utartī hai

    december ki ghani raaton mein

    jab baadal barasta hai

    larazti KHamushi

    jab baal khole

    corridoron mein sisakti hai

    to aatish-dan ke aage

    kahin se wo dabe-panw

    mere pahlu mein aati hai

    aur apne marmarin hathon se

    mere baal suljhate hue

    sargoshiyon mein dard ke qisse sunati hai

    july ki do-pahren

    mumTiyon se jab utar kar

    aanganon mein phail jati hain

    aur ek aawara sannaTa

    chhaton par bhaari qadmon se

    baDi aahistagi ke sath chalta hai

    to wo chupke se mere pas aati hai

    aur apne dhime lahje mein

    wo sari dastanen kah sunati hai

    jinhen sun kar main dhimi aanch par

    pahron sulagta hun

    kisi girje ke viran lawn mein

    jab january

    apne sunahri gesuon ko khol kar

    koi purana git gati hai

    to wo ek an-chhui nan ki tarah

    patthar ke benchon par

    mere kandhe pe sar rakkhe

    mere chehre pe apni ungliyon se

    sog likhti hai

    kisi wadi ke tanha Dak-bangle mein

    kabhi jab sham roti hai

    siyah kafi ke pyalon se

    lapakti bhap mein

    baaton ke biscuit phul jate hain

    to wo bhi jangali belon se

    uThti KHushbuon se jism pati hai

    mere nazdik aati hai

    meri sanson ki pagDanDi pe

    dhire dhire chalti hai

    mere andar utarti hai

    Source:

    Quarterly Tasteer Lahore (Pg. 119)

    • Author: Naseer Ahmed Nasir
      • Edition: Vo.1 Issue2 Oct to Dec1997
      • Publisher: Roon No.1 1st Floor, Awan Palaza, Shadman Market
      • Year of Publication: Vo.1 Issue2 Oct to Dec1997
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now