aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

urdu zaban

Gulzar

urdu zaban

Gulzar

MORE BYGulzar

    ye kaisā ishq hai urdu zabāñ kaa,

    mazā ghultā hai lafzoñ zabāñ par

    ki jaise paan meñ mahñgā qimām ghultā hai

    ye kaisā ishq hai urdu zabāñ kaa....

    nasha aatā hai urdu bolne meñ

    gilaurī tarah haiñ muñh lagī sab istelāheñ

    lutf detī hai, halaq chhūtī hai urdu to, halaq se jaise mai ghoñT utartā hai

    baḌī aristocracy hai zabāñ meñ

    faqīrī meñ navābī mazā detī hai urdu

    agarche ma.anī kam hote hai urdu meñ

    alfāz ifrāt hotī hai

    magar phir bhii, buland āvāz paḌhiye to bahut mo'tabar lagtī haiñ bāteñ

    kahīñ kuchh duur se kānoñ meñ paḌtī hai agar urdu

    to lagtā hai ki din jāḌoñ ke haiñ khiḌkī khulī hai, dhuup andar aa rahī hai

    ajab hai ye zabāñ, urdu

    kabhī kahīñ safar karte agar koī musāfir sher paḌh de 'mīr', 'ġhālib'

    vo chāhe ajnabī ho, yahī lagtā hai vo mere vatan hai

    baḌī shā.ista lahje meñ kisī se urdu sun kar

    kyā nahīñ lagtā ki ek tahzīb āvāz hai, urdu

    ye kaisa ishq hai urdu zaban ka,

    maza ghulta hai lafzon ka zaban par

    ki jaise pan mein mahnga qimam ghulta hai

    ye kaisa ishq hai urdu zaban ka

    nasha aata hai urdu bolne mein

    gilauri ki tarah hain munh lagi sab istelahen

    lutf deti hai, halaq chhuti hai urdu to, halaq se jaise mai ka ghonT utarta hai

    baDi aristocracy hai zaban mein

    faqiri mein nawabi ka maza deti hai urdu

    agarche mani kam hote hai urdu mein

    alfaz ki ifraat hoti hai

    magar phir bhi, buland aawaz paDhiye to bahut hi mo'tabar lagti hain baaten

    kahin kuchh dur se kanon mein paDti hai agar urdu

    to lagta hai ki din jaDon ke hain khiDki khuli hai, dhup andar aa rahi hai

    ajab hai ye zaban, urdu

    kabhi kahin safar karte agar koi musafir sher paDh de 'mir', 'ghaalib' ka

    wo chahe ajnabi ho, yahi lagta hai wo mere watan ka hai

    baDi shaista lahje mein kisi se urdu sun kar

    kya nahin lagta ki ek tahzib ki aawaz hai, urdu

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now